Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄WED MBONO ESOP UWEM YE UTOM NNYỊN MME CHRISTIAN OCTOBER 2016

 NTE CHRISTIAN OKPODUDE UWEM

Ndi Emesinọ Owo Kad JW.ORG?

Ndi Emesinọ Owo Kad JW.ORG?

Sia akwa ukụt enen̄erede ekpere, oyom isịn ifịk ikwọrọ ikọ kpukpru ini. (N̄ke 24:11, 12, 20) Imekeme ndida kad jw.org nnam mme owo ẹdiọn̄ọ Ikọ Abasi ye se idude ke ikpehe Intanet nnyịn. Kad oro enyene code emi adade owo aka vidio Ntak Emi Ekpekpepde Bible? onyụn̄ obụp m̀mê owo oro akpama ndifiọk n̄kpọ en̄wen m̀mê ndidọhọ ẹdikpep imọ Bible. Ndusụk owo isimaha ndibọ n̄wed nnyịn edi ẹsima ndika ikpehe Intanet nnyịn, ntre, nọ mmọ kad jw.org. Edi kûnọ mbon emi mîmaha ndikop ukwọrọikọ nnyịn.

Ke ini anamde mbubehe idemfo, emekeme nditọn̄ọ nneme ikọ Abasi ye owo ke ndidọhọ enye ete: “Mmenyene n̄kpọ mi emi n̄kpamade ndinọ fi. Kad emi ayanam fi ọdiọn̄ọ ikpehe Intanet emi edikemede ndision̄o nsio nsio vidio ye mme n̄kpọ en̄wen ke mfọn.” (Joh 4:7) Sia kad jw.org emi ekpride, emekeme ndikama ifan̄ nsan̄a man ọnọ owo ini ekededi.