4:16-18

Kere ban̄a ubon iba emi ẹdụn̄de ke ufọk emi enen̄erede ataha. Ubon kiet ẹfụhọ etieti, edi ubon enye eken ke ẹkop inemesịt. Nso inam edi ntre? Ubon emi ẹkopde inemesịt do ẹmọn̄ ẹwọwọrọ ke ntaha ufọk oro ẹka obufa ufọk mmọ.

Kpa ye oro edide “kpukpru n̄kpọ oro ẹbotde ke ẹmụm mmụm ọtọkiet ẹnyụn̄ ẹdu ke ubiak ọtọkiet tutu esịm emi,” idotenyịn oro ikọt Abasi ẹnyenede ọsọn̄ọ mmọ idem. (Ro 8:22) Imọfiọk ke ufen oro ibọde mi, ọkpọkọm ebịghi didie, edidi ke ibio ini edieke imende idomo ye nsinsi uwem oro ididude ke obufa ererimbot. Nditie n̄kere nte Abasi edidiọn̄de nnyịn ke Obio Ubọn̄ esie ayanam ikop inemesịt, idinyụn̄ iyakke ikpa mba.