Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄WED MBONO ESOP UWEM YE UTOM NNYỊN MME CHRISTIAN MAY 2016

 NTE CHRISTIAN OKPODUDE UWEM

Ndi ke Ada JW Library Anam N̄kpọ?

Ndi ke Ada JW Library Anam N̄kpọ?

Esop Abasi esịn JW Library ke Intanet man afo ekeme ndision̄o Bible, mme n̄wed, vidio, ye mme n̄kpọ eken ke mfọn ndọn̄ ke fon, tablet m̀mê kọmputa fo.

EBIET OKPOSIODE ENYE: Ama odụk Intanet, ka ebiet emi ẹkotde app store kosio JW Library sịn ke fon m̀mê tablet fo. Ẹkeme ndisịn JW Library ke nsio nsio orụk fon m̀mê tablet. Ama odụk Intanet, kụbọde JW Library nyụn̄ mek mme n̄kpọ oro oyomde ndision̄o ndọn̄ ke fon m̀mê tablet fo. Edieke mûkemeke ndidụk intanet ke ufọk fo, emekeme ndidụk ke Ufọkmbono Obio Ubọn̄ m̀mê itie ekededi oro ẹnyenede Wi-Fi. Ama ososion̄o n̄kpọ ọdọn̄ ke JW Library ke fon m̀mê tablet fo, eyekeme ndikụt mmọ ini ekededi oro oyomde, idịghe ini ododụk Intanet. Edi sia ẹsidọn̄de mbufa n̄kpọ ndien ndien ke JW Library, oyoyom esika Intanet ke ini ke ini man okosion̄o mbufa n̄kpọ oro.

NTAK EMI OKPOSIODE? JW Library iyakke owo ọbọbọ ufen ke ini oyomde ndikpep n̄kpọ ke idem esie m̀mê ke ini etienede ese se ẹnemede ke mbono esop. Enye enyene ufọn n̄ko ke an̄wautom, ndida n̄kwọrọ ikọ ke ini inemede nneme ye owo.