Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wed Mbono Esop Uwem ye Utom Nnyịn Mme Christian  |  March 2017

 NTE CHRISTIAN OKPODUDE UWEM

Nte Ikpadade Mmanie Ẹnam Uduak Jehovah Mfịn? Ikpep Owo N̄kpọ

Nte Ikpadade Mmanie Ẹnam Uduak Jehovah Mfịn? Ikpep Owo N̄kpọ

Ẹkesio ediye ekpri n̄wed Mmanie Ẹnam Uduak Jehovah Mfịn? * man isida inyene nneme ye nditọ ukpepn̄kpọ nnyịn ini ekededi oro ikpepde mmọ n̄kpọ. Imekeme ndinam emi mbemiso itọn̄ọde ukpepn̄kpọ m̀mê ke ima ikokụre. Ukpepn̄kpọ 1 esịm 4 ayanam nditọ ukpepn̄kpọ nnyịn ẹfiọk mbon emi nnyịn idide, ukpepn̄kpọ 5 esịm 14 ayanam mmọ ẹfiọk se nnyịn isinamde, ndien ukpepn̄kpọ 15 esịm 28 ayanam mmọ ẹfiọk nte esop nnyịn etiede. Ọkpọfọn ineme se idude ke n̄wed emi ke adiana ke adiana, ibọhọke enyene enye emi ikerede ke ọkpọfọn isọsọp ineme. Ukpepn̄kpọ emi edi page kiet kiet, ntre imekeme ndida n̄kpọ nte minit ition esịm duop nneme se idude ke ukpepn̄kpọ kiet kiet.

  • Bụp mbụme oro odude ke ibuotikọ

  • Ẹkot se idude ke ukpepn̄kpọ oro, ọtọn̄ọde ke ntọn̄ọ esịm utịt mîdịghe ẹkot ke ikpehe ke ikpehe

  • Ẹneme se ẹkotde. Bụp mme mbụme oro ẹdude ke isọn̄ isọn̄ page oro ẹnyụn̄ ẹtịn̄ n̄kpọ ẹban̄a mme ndise. Ẹkot ẹnyụn̄ ẹneme mme itie N̄wed Abasi oro ẹsiakde do, emi ekerede ke ayan̄wam eyen ukpepn̄kpọ. Nam enye ọdiọn̄ọ ke n̄kpri ibuotikọ oro ẹwetde ke ndodobi ubọkn̄wed do ọbọrọ mbụme oro odude ke ibuotikọ

  • Ẹkot se idude ke ekebe oro “Nam N̄kpọ Emi,” nyụn̄ dọhọ eyen ukpepn̄kpọ anam se ẹtịn̄de do

^ ikp. 3 Ẹkpụhọ n̄kpọ ifan̄ ke enye emi odude ke Intanet.