27:23, 24; 28:1, 2, 16, 17

Paul iketreke ndikwọrọ ikọ kpa ye oro enye ekedide owo-n̄kpọkọbi. Ke ini enye okodude ke ubom, enye ama ọkwọrọ ikọ ọnọ mme awat-ubom ye mbon eken oro ẹkesịnede ke ubom oro. Ke mmọ ẹma ẹkebọhọ oyobio oro akanamde ubom mmọ esịp ke Malta, enye ama ọkwọrọ ikọ ọnọ mbon oro enye akanamde idem ọsọn̄. Usen ita kpọt ke enye ama ekesịm Rome, enye ama okot ikpọ owo mme Jew obon ọtọkiet onyụn̄ ọkwọrọ ikọ ọnọ mmọ. Ndien ke ofụri isua iba oro ẹkekọbide enye ẹtem ke ufọk esie, enye ama ọkwọrọ ikọ ọnọ kpukpru mbon oro ẹkesidide ẹdise enye.

Nso ke akpanam man aka iso ọkwọrọ ikọ ọkpọkọm n̄kpọ etie didie ye afo?