Bible ama etetịn̄ ke Satan ọyọkọbọ nnyịn man itre ndikwọrọ ikọ. (Joh 15:20; Edi 12:17) Didie ke ikeme ndin̄wam nditọete nnyịn oro ẹkọbọde ke mme idụt en̄wen? Imekeme ndisịn mmọ ke akam. Bible ọdọhọ ke “n̄kpeubọk edinen owo enyene odudu etieti ndinam n̄kpọ.”—Jas 5:16.

Ikpọbọn̄ akam iben̄e nso? Imekeme ndiben̄e Jehovah ọnọ nditọete nnyịn odudu onyụn̄ an̄wam mmọ ẹsọn̄ọ ẹda, ẹkûkop ndịk. (Isa 41:10-13) Imekeme ndiben̄e Abasi anam mme andikara ẹkûkpan utom ukwọrọikọ nnyịn “man nnyịn ikpaka iso idu uwem ifụre ye emem.”—1Ti 2:1, 2.

Ke ini ẹkekọbọde Paul ye Peter, mme Christian eyo oro ẹma ẹbọn̄ akam ẹsiak mmọ enyịn̄. (Ut 12:5; Ro 15:30, 31) Idem edieke nnyịn mîdiọn̄ọke enyịn̄ mbon oro ẹkọbọde mfịn, imekeme ndisiak enyịn̄ esop mmọ, obio mmọ, m̀mê idụt mmọ ke akam.

Wet mme idụt emi ẹkọbọde Ikọt Abasi, emi afo edisịnde ke akam.