Ama oyom ẹtịp ediwak okụk ẹnyụn̄ ẹnam ọkpọsọn̄ utom man ẹkeme ndibọp temple ke Israel eset. Edi nditọ Israel ẹma ẹsịn idem ẹnam utom ẹnyụn̄ ẹtịp n̄kpọ ke ofụri esịt. (1Ch 29:2-9; 2Ch 6:7, 8) Ke ẹma ẹkebọp temple oro ẹma, nte nditọ Israel ẹkekamade temple oro okowụt m̀mê mmọ ẹma ẹma Abasi m̀mê ikamaha. (2Nd 22:3-6; 2Ch 28:24; 29:3) Mfịn, mme Christian ẹbiat ekese ini ndibọp, ndidiọn̄, ndinyụn̄ nse mban̄a mme Ufọkmbono Obio Ubọn̄ ye mme Itie Mbono. Edi ndinam kpukpru emi nnọ Jehovah edi ata n̄kpọ ukpono onyụn̄ edi usụn̄ kiet emi idade ituak ibuot inọ enye.—Ps 127:1; Edi 7:15.

IMEKEME NDIN̄WAM KE . . .

  • Nditan̄ mbio ke mbono esop ama akasuana. Edieke mûkemeke ndisan̄a ntan̄, emekeme ndinyụn̄ ntan̄ mbon oro ẹkperede fi.

  • Nditiene ndiọn̄ nnyụn̄ nnịm Ufọkmbono Obio Ubọn̄ asana. Ke ini mme owo ẹwakde, utom eyefere onyụn̄ enem.lv 92-93 ¶18.

  • Nditiene ntịp okụk. Jehovah esinem esịt aban̄a okụk emi owo etịpde ke ofụri esịt ọkpọkọm edi “ata ekpri okụk.”Mr 12:41-44.

  • Nditiene n̄n̄wam ke ndibọp nnyụn̄ ndiọn̄ se esop Abasi ọbọpde edieke ekemede. Idịghe nta mme ọbọpufọk ikpọn̄ ke ẹsiyom.