Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄WED MBONO ESOP UWEM YE UTOM NNYỊN MME CHRISTIAN AUGUST 2016

 NTE CHRISTIAN OKPODUDE UWEM

Se Idin̄wamde Nnyịn Idi Nti Mme Ọkwọrọikọ—N̄wam Nditọ Ukpepn̄kpọ Bible Fo Ẹyak Idem Ẹnọ Abasi Ẹnyụn̄ Ẹna Baptism

Se Idin̄wamde Nnyịn Idi Nti Mme Ọkwọrọikọ—N̄wam Nditọ Ukpepn̄kpọ Bible Fo Ẹyak Idem Ẹnọ Abasi Ẹnyụn̄ Ẹna Baptism

NTAK EMI EDIDE AKPAN N̄KPỌ: Man nditọ ukpepn̄kpọ nnyịn ẹdi ufan Jehovah, ana mmọ ẹyak idem ẹnọ enye ẹnyụn̄ ẹna baptism. (1Pe 3:21) Jehovah esima mbon emi ẹyakde idem ẹnọ enye ẹnyụn̄ ẹnamde se enye oyomde mmọ ẹnam. (Ps 91:1, 2) Christian esiyak idem ọnọ Jehovah, iyakke inọ owo, utom, m̀mê n̄ka ndomokiet. Ke ntre, ana nditọ ukpepn̄kpọ Bible nnyịn ẹnen̄ede ẹma Abasi. —Ro 14:7, 8.

NTE AKPANAMDE:

  • Ke ini ekpepde enye n̄kpọ, ẹneme se ẹkpepde ẹban̄a Jehovah ke ukpepn̄kpọ oro. Nam enye okụt ntak emi ọfọnde ndisikot Bible kpukpru usen nnyụn̄ mbọn̄ akam nnọ Jehovah kpukpru ini.—1Th 5:17; Jas 4:8

  • Dọhọ eyen ukpepn̄kpọ fo ekere aban̄a ndiyak idem nnọ Jehovah nnyụn̄ nna baptism. N̄ko, n̄wam enye esitiene ọbọrọ mbụme ke mbono esop, ọkwọrọ ikọ ọnọ mbọhọidụn̄ esie, nditọ ufọkn̄wed mmọ, m̀mê mbon itieutom mmọ. Ti ke Jehovah inyịkke-nyịk owo ndomokiet anam n̄kpọ esie. Enyene-idem edibiere ndiyak idem nnọ Jehovah.—De 30:19, 20

  • N̄wam eyen ukpepn̄kpọ fo okpụhọde nte enye odude uwem man enem Jehovah esịt onyụn̄ odot ndina baptism. (N̄ke 27:11) Sia edide enyene ndusụk edu emi esịnede-sịne owo ke iyịp, ekeme ndiyom aka iso an̄wam enye osio akani owo efep onyụn̄ emen obufa owo esịne. (Eph 4:22-24) Da ibuotikọ oro “Bible Okpụhọde Mme Owo,” emi esidude ke Enyọn̄-Ukpeme, nyene nneme ye enye

  • Tịn̄ nte esịt enemde fi sia anamde n̄kpọ Jehovah.—Isa 48:17, 18