Tọn̄ọ ke January 2016, ẹsiwet ibuotikọ emi, “Bible Ọdọhọ Didie?” ke edem Enyọn̄-Ukpeme. Ẹwet ibuotikọ emi man an̄wam nnyịn itọn̄ọ nneme Bible ye mme owo. Ẹnyụn̄ ẹnam enye nte ẹnamde mme tract nnyịn. Ẹsiwet mbụme oro anamde owo ekere n̄kpọ, ekem ẹwet nte Bible ọbọrọde mbụme oro, ẹnyụn̄ ẹwet n̄kpọ ifan̄ eken emi ẹkpedade ẹka iso ke nneme oro.

Ama ọkwọrọ ikọ ọnọ owo, ndien se afo etịn̄de enem enye, enye ayama ndikpep Bible. Da obufa ibuotikọ emi n̄wam mme owo ẹdiọn̄ọ Abasi.—Mt 5:6.

NTE ẸKPEDADE ẸKWỌRỌ IKỌ:

  1. Bụp owo oro se enye ekerede aban̄a kiet ke otu mbụme oro

  2. Kpan̄ utọn̄ nyụn̄ kọm enye ke se enye ọbọrọde

  3. Kot itie Bible oro ke idak “Se Bible Ọdọhọde,” nyụn̄ bụp m̀mê nso ke enye ekere aban̄a se ẹtịn̄de oro. Edieke ini odude, da se idude ke “Nso En̄wen ke Bible Ọdọhọ?” ka iso ke nneme oro

  4. Nọ enye magazine oro

  5. Dọhọ ke iyafiak idineme ọyọhọ mbume iba ye enye