Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Afo Emekeme Ndidi Ufan Abasi!

 UKPEPN̄KPỌ 9

Mmanie Ẹdi Mme Ufan Abasi?

Mmanie Ẹdi Mme Ufan Abasi?

Jesus Christ edi eyen Jehovah ye ata n̄kpet n̄kpet, ata edima ufan esie. Mbemiso okodude nte owo ke isọn̄, Jesus ama odụn̄ ke heaven nte okopodudu edibotn̄kpọ eke spirit. (John 17:5) Ekem enye ama edi isọn̄ ndikpep mme owo akpanikọ aban̄ade Abasi. (John 18:37) Enye n̄ko ama ọnọ uwem esie eke owo man anyan̄a mbon n̄kopitem osio ke idiọkn̄kpọ ye n̄kpa. (Rome 6:23) Idahaemi Jesus edi edidem Obio Ubọn̄ Abasi, kpa ukara eke heaven emi edidade Paradise edi isọn̄ emi.—Ediyarade 19:16.

Mme angel n̄ko ẹdi mme ufan Abasi. Mme angel ikọtọn̄ọke uwem mmọ nte mme owo ke isọn̄. Ẹkebot mmọ ke heaven mbemiso Abasi akanamde isọn̄. (Job 38:4-7) Ediwak miliọn angel ẹdu. (Daniel 7:10) Mme ufan Abasi eke heaven ẹmi ẹyom mme owo ẹkpep akpanikọ aban̄ade Jehovah.—Ediyarade14:6, 7.

Abasi enyene mme ufan ke isọn̄ n̄ko, enye okot mmọ mme ntiense esie. Ntiense ke esopikpe esitịn̄ se enye ọfiọkde aban̄a owo m̀mê n̄kpọ. Mme Ntiense Jehovah ẹsian mbon efen se mmọ ẹfiọkde ẹban̄a Jehovah ye uduak esie. (Isaiah 43:10) Ukem nte mme angel, Mme Ntiense ẹyom ndin̄wam fi ekpep akpanikọ aban̄ade Jehovah. Mmọ ẹyom fi n̄ko edi ufan Abasi.