Akpan asua Abasi edi Satan kpa Devil. Enye edi edibotn̄kpọ eke spirit emi ọkọsọn̄de ibuot ye Jehovah. Satan aka iso ndin̄wana ye Abasi onyụn̄ esịn mme owo ke ikpọ afanikọn̄. Satan edi idiọkowo. Enye edi osu nsu ye owotowo.—John 8:44.

Mme edibotn̄kpọ eke spirit eken ẹma ẹdiana ye Satan ke nsọn̄ibuot esie ye Abasi. Bible okot mmọ mme demon. Ukem nte Satan, mme demon ẹdi mme asua owo. Mmọ ẹma ndinam mme owo ibak. (Matthew 9:32, 33; 12:22) Jehovah oyosobo Satan ye mme demon ke nsinsi. Mmọ ẹnyene ekpri ibio ini kpọt ndisịn ntịme ye mme owo.—Ediyarade 12:12.

Edieke afo oyomde ndidi ufan Abasi, inaha afo anam se Satan oyomde afo anam. Satan ye mme demon ẹsasua Jehovah. Mmọ ẹdi mme asua Abasi, ndien mmọ ẹyom ndinam fi edi asua Abasi. Ana afo emek owo emi afo oyomde ndinem esịt—Satan m̀mê Jehovah. Edieke afo oyomde nsinsi uwem, ana afo emek ndinam uduak Abasi. Satan enyene ediwak n̄kari ye mme usụn̄ ndibian̄a mme owo. Enye abian̄a ata ediwak owo.—Ediyarade 12:9.