Satan odomo mme owo idomo ndinam se idiọkde. Oyom owo emi oyomde ndidi ufan Abasi asua se Jehovah asuade. (Psalm 97:10) Ndusụk n̄kpọ ẹmi mme ufan Abasi ẹfepde ẹdi ẹmi:

Mme idiọkn̄kpọ ẹban̄ade idan̄. “Kûsịn efịbe.” (Exodus 20:14) Ndinyene ebuana idan̄ mbemiso ndọ akwan̄a n̄ko.—1 Corinth 6:18.

Ukpammịn. “Mme oyụhọ mmịn . . . ididaha Obio Ubọn̄ Abasi inyene.”—1 Corinth 6:10.

Uwotowo, Usion̄o idịbi. “Kûwot owo.”—Exodus 20:13.

Uyịpinọ. “Kûyịp inọ.” —Exodus 20:15.

Usu nsu. Jehovah asasua “edeme nsu.”Mme N̄ke 6:17.

 Afai ye Iyatesịt Oro Owo Mîkarake. “Owo eke amade afai, [Jehovah] asua mmọ.” (Psalm 11:5) “Ubọk-utom obụkidem [esịne] . . . iyatesịt.”—Galatia 5:19, 20.

Mbre Mfọniso. “Ẹkûdụk ndụk ye owo ekededi . . . emi edide . . . esịn esịt ke n̄kpọ owo.”—1Corinth 5:11.

Usua eke Orụk ye eke Ekpụk. “Ẹma mme asua mbufo, ẹnyụn̄ ẹbọn̄ akam ẹyom ufọn mmọ eke ẹnamde mbufo isịn-enyịn.”—Matthew 5:43, 44.

Mme n̄kpọ oro Abasi asiande nnyịn ẹdi ke ufọn nnyịn. Isidịghe mmemmem ndifep ndiọi edinam. Ye un̄wam Jehovah ọkọrọ ye un̄wam Mme Ntiense esie, afo emekeme ndifep ndinam mme n̄kpọ oro mînemke Abasi esịt.—Isaiah 48:17; Philippi 4:13; Mme Hebrew 10:24, 25.