Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 14

Nso Idi Utom Isụn̄utom?

Nso Idi Utom Isụn̄utom?

United States

Ufọkn̄wed Gilead, ke Patterson, ke New York

Panama

Ndi afo eyenyịme onyụn̄ ekeme ndikpọn̄ ubon fo ye obio emana fo man ada eti mbụk aka idụt efen? Ediwak tọsịn Mme Ntiense ẹmenam ntre, ke nditịm ntịn̄, ẹdọhọde, “Se mi mi! Dọn̄ mi utom.” (Isaiah 6:8) Mmọ ke ntem ẹkpebe Jesus Christ, kpa akakan Isụn̄utom.—John 7:29.

Enye edi usụn̄ kiet nditiene nde ikpat Jesus. Abasi ọkọnọ Jesus oto heaven edidụn̄ ye mme anamidiọk mi ke isọn̄. Okposụkedi emi Jesus okokụtde nte ẹnamde ukwan̄ikpe ke isọn̄, enye ikodomoke ndinen̄ede mme n̄kpọ. Enye okowụk ntịn̄enyịn esie ke utom oro ẹkedọn̄de enye ete ‘editan̄a eti mbụk obio ubọn̄ Abasi’—kpa n̄kukụre n̄kpọ emi edikọkde mfịna ubonowo. (Luke 4:43) Mme isụn̄utom emi ẹdide mme ata Christian ẹtiene uwụtn̄kpọ esie.

Enye edi usụn̄ uwem n̄waidem. Ana isụn̄utom ẹkeme ndimehe ye idaha udu uwem, ido edinam, idaha eyo, ye udia oro ekemede ndidi ata isio ye se enye emehede. Ediwak ini esiyom isụn̄utom ekpep obufa usem man enye ekeme ndineme nneme ye mme owo ke ebiet oro enye odude. Ekeme ndiyom enye esisan̄a ke n̄kpọisan̄ oro enye mîmeheke aka mme obio oro ẹdude nsannsan. Ana mme isụn̄utom ẹnen̄ede ẹma mme owo ke ebiet oro mmọ ẹdude man ẹkeme ndinam utọ n̄waidem oro.

Oyom ẹbọ eti ukpep. Ediwak Mme Ntiense emi ẹdide isụn̄utom ẹsibọ ukpep ke ọfiọn̄ ition ke Ufọkn̄wed Enyọn̄-Ukpeme Ukpep Bible Eke Gilead. Se ẹkpepde mmọ ẹsisọn̄ọ mbuọtidem mmọ ke Jehovah, ke Ikọ esie, ye ke esop esie. (Mme N̄ke 3:5, 6) Emi esinam mmọ ẹnyene nti edu oro ẹdin̄wamde mmọ ke utom isụn̄utom mmọ, onyụn̄ an̄wam mmọ ẹnyene mme usọ oro ẹdinamde mmọ ẹdi nti mme andikpep Ikọ Abasi. Mmọ ẹsinen̄ede ẹdot ndikwọrọ ikọ “tutu ẹsịm ata utịt ikpehe isọn̄.”—Utom 1:8.

  • Nso ke ẹyom ẹto isụn̄utom?

  • San̄asan̄a ukpep ewe ke ẹsinọ mme isụn̄utom?

Kpep N̄kpọ En̄wen

Ẹtịm Mme Ntiense Jehovah man Ẹkwọrọ Eti Mbụk

Mme owo ẹdiọn̄ọ ke Mme Ntiense Jehovah ẹsikpep mbon en̄wen Bible ke ofụri ererimbot. Didie ke ẹtịm mmọ, anie ada mmọ usụn̄, mmọ ẹnyụn̄ ẹda okụk ke m̀mọ̀n̄ ẹnam utom emi?

Ndinọ Mme Asan̄autom Obio Ubọn̄ Ukpep

Didie ke mme ufọkn̄wed ukara Abasi ẹtịm mme asan̄autom Obio Ubọn̄ idem ndinam utom mmọ?