Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 20

Didie ke Otu Ukara Anam N̄kpọ Mfịn?

Didie ke Otu Ukara Anam N̄kpọ Mfịn?

Otu ukara eke akpa isua ikie

Ke ẹkot leta otu ukara

Ke akpa isua ikie, ekpri otu, “mme apostle ye mbiowo ke Jerusalem,” ẹkenam utom nte otu ukara man ẹnam mme akpan ubiere ke ibuot ofụri esop mme Christian oro ẹyetde aran. (Utom 15:2) Mmọ ẹma ẹsinam ubiere ye esịt kiet ke ntak emi mmọ ẹkesinemede se N̄wed Abasi ọdọhọde, ẹnyụn̄ ẹyakde spirit Abasi ada mmọ usụn̄. (Utom 15:25) Ukem uwụtn̄kpọ oro ke ẹtiene mfịn.

Abasi ada enye anam uduak esie. Nditọete emi ẹyetde aran mi, emi ẹdide mbon Otu Ukara, ẹnen̄ede ẹma Ikọ Abasi ẹnyụn̄ ẹnyene ekese ifiọk ndise mban̄a n̄kpọ ekededi oro aban̄ade ido ukpono nnyịn ye mme n̄kpọ eken. Mmọ ẹsisop idem kpukpru urua man ẹse ẹban̄a mme n̄kpọ oro ẹban̄ade nditọete ke ofụri ererimbot. Nte ekedide ke akpa isua ikie, mmọ ẹsida mme leta, mme esenyịn oro ẹsan̄ade-san̄a ye mbon eken ẹnọ mme item oro ẹtode Bible. Emi esinam ikọt Abasi ẹnyene ekikere kiet ẹnyụn̄ ẹnam n̄kpọ ukem ukem. (Utom 16:4, 5) Otu Ukara esise aban̄a nte ẹtịmde udia eke spirit, esịn udọn̄ ọnọ kpukpru owo ndida utom ukwọrọikọ Obio Ubọn̄ ke akpan n̄kpọ, onyụn̄ ada usụn̄ ke ndimek nditọete nnọ mme ifetutom.

Enye etiene ndausụn̄ spirit Abasi. Otu Ukara eberi edem ke Jehovah, kpa Akakan Andikara Ekondo, ye Jesus emi edide Ibuot esop, ndinọ ndausụn̄. (1 Corinth 11:3; Ephesus 5:23) Mbon Otu Ukara idaha idem mmọ nte mme etubom ikọt Abasi. Mmọ ẹdiana kiet ye kpukpru mme Christian oro ẹyetde aran ‘ẹtiene Eyenerọn̄ emi edide Jesus ẹka ọtọ eke enye akaka.’ (Ediyarade 14:4) Mbon Otu Ukara ẹsinen̄ede ẹnem esịt ke ini isịnde mmọ ke akam.

  • Mmanie ẹkedi mbon otu ukara ke akpa isua ikie?

  • Didie ke Otu Ukara mfịn oyom ndausụn̄ Abasi?

Kpep N̄kpọ En̄wen

MBỤME EMI ẸSIWAKDE NDIBỤP

Anie Akasiak Ido Ukpono Mme Ntiense Jehovah?

Kot ntak emi idọhọde ke Charles Taze Russell ikasiakke obufa ido ukpono.