Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 24

Ẹsida Okụk ke M̀mọ̀n̄ Ẹse Ẹban̄a Utom Oro Inamde ke Ofụri Ererimbot?

Ẹsida Okụk ke M̀mọ̀n̄ Ẹse Ẹban̄a Utom Oro Inamde ke Ofụri Ererimbot?

Nepal

Togo

Britain

Esop nnyịn esisio onyụn̄ asuan ediwak miliọn Bible ye mme n̄wed eken kpukpru isua ye unana edinịm ekọmurua. Imesibọp inyụn̄ ise iban̄a mme Ufọkmbono Obio Ubọn̄ ye mme n̄kọk itieutom. Ise iban̄a ediwak tọsịn mbonubon Bethel ye mme isụn̄utom, inyụn̄ inọ mme n̄kpọ un̄wam ke ini afanikọn̄. Ntre afo emekeme ndibụp ete, ‘Ẹsida okụk ke m̀mọ̀n̄ ẹnam kpukpru emi?’

Nnyịn isikpehe tithe, idorike etịbe inọ owo, m̀mê ndikama usan nsan̄a mbọ okụk. Okposụkedi emi isibiatde ediwak okụk ise iban̄a utom ukwọrọikọ nnyịn, nnyịn isisan̄ake iben̄e okụk. Ke se ibede isua ikie emi ẹkebede, udiana nsiondi Enyọn̄-Ukpeme (Ikọmbakara) ọkọdọhọ ete ke nnyịn imenịm ke Jehovah ọnọ nnyịn ibetedem, ye nte ke ‘tutu amama nnyịn idiben̄eke idinyụn̄ ikpehe owo ubọk iyom un̄wam’—ndien akananam nnyịn inamke oro!—Matthew 10:8.

Ẹda enọ imaesịt ẹse ẹban̄a utom nnyịn. Ediwak owo ẹsiwụt esịtekọm ẹban̄a utom unọ ukpep Bible oro inamde ẹsinyụn̄ ẹtịp n̄kpọ ndin̄wam ẹnam utom emi. Mme Ntiense ke idemmọ ẹsinem esịt ndinọ ini, odudu, okụk, ye mme n̄kpọ eken oro mmọ ẹnyenede man ẹda ẹnam uduak Abasi ke ofụri ererimbot. (1 Chronicle 29:9) Mme ekebe etịbe ẹsidu ke mme Ufọkmbono Obio Ubọn̄, ndien mbon emi ẹyomde nditịp n̄kpọ ẹkeme nditịp nsịn do. Ediwak mbon oro ẹsitịpde okụk oro inyenede edi mbon oro mînen̄ekede inyene n̄kpọ, nte ubuene ebeakpa oro Jesus ekenen̄erede otoro, emi ekesịnde okudọk okụk iba ke n̄kpọ usịn okụk temple. (Luke 21:1-4) Ntre, ke ini ke ini, owo ekededi ekeme “ndisio n̄kpọ nnịm n̄kan̄ kiet” man ọnọ “kpa nte enye ebierede ke esịt esie.”—1 Corinth 16:2; 2 Corinth 9:7.

Nnyịn imenịm ke Jehovah ayaka iso anam mbon oro ẹyomde ndida ‘ọsọn̄urua inyene mmọ n̄kpono enye’ ẹtịp n̄kpọ man ẹda ẹse ẹban̄a utom Obio Ubọn̄, man otodo ẹnam uduak esie.—Mme N̄ke 3:9.

  • Nso inam esop nnyịn okpụhọde ye mme ido ukpono eken?

  • Didie ke ẹsida mme etịbe imaesịt ẹnam n̄kpọ?

Kpep N̄kpọ En̄wen

Ekpri Vidio: Ebiet Mme Ntiense Jehovah Ẹdade Okụk Ẹnam Utom Mmọ

Se nte ẹnọde utom nnyịn ibetedem ye nte ẹnọde enọ ke ofụri ererimbot.

Mme Magazine Nnyịn

Sion̄o mme magazine Enyọn̄-Ukpeme ye Ẹdemede!