Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 19

Anie Edi Ofụn Emi Anamde Akpanikọ Onyụn̄ Enyenede Ọniọn̄?

Anie Edi Ofụn Emi Anamde Akpanikọ Onyụn̄ Enyenede Ọniọn̄?

Kpukpru nnyịn imesibọ ufọn ito udia eke spirit

Esisịt ini mbemiso Jesus akpade, enye ama enyene ọkpọkpọ nneme ye owo inan̄ ke otu mbet esie—Peter, James, John, ye Andrew. Nte Jesus okosụk etịn̄de se ididide idiọn̄ọ edidu esie ke mme akpatre usen emi, enye ama obụp akpan mbụme emi: “Anie ndien edi ofụn emi anamde akpanikọ onyụn̄ enyenede ọniọn̄ emi eteufọk esie ekemekde ete ese aban̄a mbonufọk imọ, onyụn̄ ọnọ mmọ udia ke nnennen ini?” (Matthew 24:3, 45; Mark 13:3, 4) Jesus ọkọsọn̄ọ etịn̄ ọnọ mme mbet esie ete ke imọ emi idide “eteufọk” mmọ iyemek mbon oro ẹdinọde mme anditiene imọ udia eke spirit kpukpru ini ke utịt ini. Mmanie ẹdi ofụn emi?

Mmọ ẹdi ata mme anditiene Jesus oro ẹyetde aran. “Ofụn” emi esideme ekemini udia eke spirit ọnọ ekemmọ mme andituak ibuot nnọ Jehovah. Nnyịn idori enyịn nte ke ofụn emi anamde akpanikọ mi ayaka iso ọnọ nnyịn “udeme udia . . . ke nnennen ini.”—Luke 12:42.

Mmọ ẹse ẹban̄a mbonufọk Abasi. (1 Timothy 3:15) Jesus ama ọnọ ofụn emi akamba mbiomo ndise enyịn ke utom oro ẹnamde ke ikpehe esop Jehovah eke isọn̄—ndise mban̄a inyene esie, ndinọ ndausụn̄ ke utom ukwọrọikọ, nnyụn̄ nnọ nnyịn ukpep ebe ke esop. Mmọdo man “ofụn emi anamde akpanikọ onyụn̄ enyenede ọniọn̄” mi ọnọ nnyịn se iyomde ye ke ini iyomde mmọ, enye edeme udia eke spirit ebe ke mme n̄wed ye mme n̄kpọ oro ikamade ikwọrọ ikọ ye ke mme ndutịm oro ẹsinemede ke mme mboho nnyịn ye ke mme ikpọ ye n̄kpri mbono.

Ofụn emi anam akpanikọ ke nditiene se Bible etịn̄de nnyụn̄ nnam utom edikwọrọ eti mbụk oro ẹkedọn̄de enye, onyụn̄ enyene ọniọn̄ ke nte enye esidade ọniọn̄ ese aban̄a inyene Christ ke isọn̄. (Utom 10:42) Jehovah ke ọdiọn̄ utom ofụn emi ke ndinam n̄kọri odu onyụn̄ ọnọ akpakịp udia eke spirit.—Isaiah 60:22; 65:13.

  • Anie ke Jesus ekemek ete esinọ mme mbet esie udia eke spirit?

  • Didie ke ofụn emi anam akpanikọ onyụn̄ enyene ọniọn̄?

Kpep N̄kpọ En̄wen

ENYỌN̄-UKPEME (EKE UKPEPNKPỌ)

“Anie Ndien Edi Ofụn Emi Anamde Akpanikọ Onyụn̄ Enyenede Ọniọn̄?”

Ibuotikọ emi anam se nnyịn ifiọkde iban̄a ofụn emi anamde akpanikọ onyụn̄ enyenede ọniọn̄ enen̄ede an̄wan̄a nnyịn. Kere nte ofụn emi anamde nnyịn isọn̄ idem ke n̄kan̄ eke spirit.