Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

Nso Idi Uduak Abasi?

Nso Idi Uduak Abasi?

Abasi oyom nnyịn ikop inemesịt inyụn̄ idụn̄ ke emem ke Paradise ke isọn̄ ke nsinsi!

Edi afo emekeme ndibụp ete, ‘Ndi emi ekeme nditịbe tutu amama?’ Bible ọdọhọ ke Obio Ubọn̄ Abasi ayanam emi etịbe, ndien Abasi oyom kpukpru owo ẹkpep ẹban̄a Obio Ubọn̄ oro ye se imọ iduakde ndinam nnọ nnyịn.Psalm 37:11, 29; Isaiah 9:7.

Abasi oyom n̄kpọ ọfọn nnyịn.

Ukem nte eti ete esiyomde n̄kpọ ọfọn nditọ esie, Ete nnyịn eke heaven oyom nnyịn ikop inemesịt ke nsinsi. (Isaiah 48:17, 18) Enye ọn̄wọn̄ọ ke owo oro “anamde uduak Abasi [oyodu] ke nsinsi.”1 John 2:17.

Abasi oyom nnyịn isan̄a ke usụn̄ esie.

Bible ọdọhọ ke Andibot nnyịn oyom ‘ndikpep nnyịn mme usụn̄ esie’ man nnyịn “isan̄a ke mme afan̄usụn̄ esie.” (Isaiah 2:2, 3) Enye emetịm ‘mme owo ọnọ enyịn̄ esie’ man ẹnam ẹfiọk uduak esie ke ofụri isọn̄.Utom 15:14.

Abasi oyom nnyịn idiana kiet ituak ibuot inọ imọ.

Utu ke edisana utuakibuot ndibahade mme owo, enye anam mmọ ẹdiana kiet koro mmọ ẹnyenede ata ima. (John 13:35) Mmanie mfịn ẹkpep irenowo ye iban ke kpukpru ebiet ndidiana kiet n̄kpono Abasi? Nnyịn imesịn udọn̄ inọ fi ite okot n̄wed emi man ọfiọk.

Kpep N̄kpọ En̄wen

Ẹsikpep Owo Bible Didie?

Mme owo ke ofụri ererimbot ẹdiọn̄ọ ke Mme Ntiense Jehovah ẹsikpep owo Bible ke mfọn. Se nte mmọ ẹsinamde.

Ntak Emi Ekpekpepde Bible?

Bible anam ediwak miliọn owo ke ofụri ererimbot ẹfiọk ibọrọ mbụme emi afịnade ata ediwak owo. Ndi akpama nditiene mfiọk?