Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 21

Nso Idi Bethel?

Nso Idi Bethel?

Itieutom Uwet Ndise ke U.S.A.

Germany

Kenya

Colombia

Bethel edi enyịn̄ Hebrew emi ọwọrọde “Ufọk Abasi.” (Genesis 28:17, 19) Enye edi enyịn̄ oro odotde, emi ẹkotde mme itie emi Mme Ntiense Jehovah ẹbọpde ke nsio nsio idụt ke ererimbot ndida nse mban̄a nnyụn̄ nnọ ndausụn̄ ke utom ukwọrọikọ. Otu Ukara odu ke ibuot itieutom ofụri ererimbot ke Stet New York, ke U.S.A., ese enyịn ke utom oro ẹnamde ke mme n̄kọk itieutom ke ediwak idụt. Ẹkot otu mbon oro ẹnamde utom ke mme itieutom emi, ubon Bethel. Nte ubon, mmọ ẹdụn̄ ẹnyụn̄ ẹnam utom ọtọkiet, ẹdia udia ọtọkiet, ẹnyụn̄ ẹtie ọtọkiet ẹkpep Bible.—Psalm 133:1.

San̄asan̄a itie emi mbonubon ẹnyenede edu n̄waidem. Ke kpukpru Bethel, mme Christian iren ye iban ẹdu emi ẹsịnde idem ẹnam uduak Abasi ẹnyụn̄ ẹn̄wamde ofụri ini ndinam n̄kpọ Obio Ubọn̄. (Matthew 6:33) Owo ikpehe owo mmọ ndomokiet okụk ọfiọn̄, edi ẹnọ kpukpru mmọ ufọk ye udia ye okụk ekpatọfọn̄ ndida nse mban̄a idem mmọ. Ẹnọ kpukpru owo ke Bethel utom ẹnam, edide ke ọfis, ke itie utemudia, m̀mê ke ufọk udia n̄kpọ. Ndusụk owo ẹnam utom ke itie umịn̄n̄wed, itie udian n̄wed, itie uyet ọfọn̄, itieutom oro ẹsidiọn̄de n̄kpọ, ndusụk ẹnam mme ufọkidụn̄ ẹsana, m̀mê mme utom eken.

Ebiet oro ẹnamde utom kpukpru ini man ẹse ẹban̄a utom ukwọrọikọ Obio Ubọn̄. Akpan n̄kpọ oro ẹnamde ke kpukpru Bethel edi ndinam akpanikọ Bible odu ọnọ ediwak owo nte ẹkekeme. Ediye uduot ekpri n̄wed emi edi kiet ke otu n̄kpọ oro ẹdade ẹnam emi. Ẹkewet n̄wed emi ke ndausụn̄ Otu Ukara, ẹnọ ke Intanet ẹsọk ediwak otu mme akabade n̄wed ke ofụri ererimbot, ẹmịn̄ ke mme ukwak umịn̄n̄wed oro ẹnen̄erede ẹsọp ke nsio nsio itie umịn̄n̄wed Bethel, ẹnyụn̄ ẹnọ ẹsọk se iwakde ibe mme esop 100,000. Ke kpukpru ikpehe utom emi, mbonubon Bethel ẹsin̄wam man ẹnam ata akpan utom—edikwọrọ eti mbụk.—Mark 13:10.

  • Mmanie ẹnam utom ke Bethel, ndien didie ke ẹsise ẹban̄a mmọ?

  • Utom oro ẹnamde ke Bethel kiet kiet esin̄wam ẹnam ewe akpan utom?

Kpep N̄kpọ En̄wen

MBỤME EMI ẸSIWAKDE NDIBỤP

Ekpri Vidio: Mme Ntiense Jehovah Ẹkwọrọ Ikọ ke Ofụri Ererimbot

Se ntak emi ẹbiatde ediwak biliọn hour ke ata ediwak usem.