Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 18

Didie ke Isin̄wam Nditọete Nnyịn ke Ini Afanikọn̄?

Didie ke Isin̄wam Nditọete Nnyịn ke Ini Afanikọn̄?

Dominican Republic

Japan

Haiti

Ke ini afanikọn̄, Mme Ntiense Jehovah ẹsisọsọp ẹnam ndutịm man ẹn̄wam nditọete mmọ oro afanikọn̄ esịmde. Mme utọ ukeme oro isịnde mi owụt ata ima oro inyenede inọ kiet eken. (John 13:34, 35; 1 John 3:17, 18) Didie ke nnyịn isinọ un̄wam?

Nnyịn imesitịp okụk. Ke ini akwa akan̄ okodude ke Judea, akpa mme Christian ke Antioch ẹma ẹtịp okụk ẹnọ ẹda ẹken̄wam nditọete mmọ eke spirit. (Utom 11:27-30) Kpasụk ntre, ke ini ifiọkde ke nditọete nnyịn ke idụt efen ẹsobo nsọn̄ọn̄kpọ, nnyịn imesitịp n̄kpọ ke esop nnyịn man ẹda ẹken̄wam mbon oro ẹsobode mfịna do.—2 Corinth 8:13-15.

Nnyịn imesinọ mme n̄kpọ oro ẹyomde. Mbiowo oro ẹdude ke ebiet oro afanikọn̄ etịbede ẹsisan̄a ẹyom nditọete kiet kiet man ẹkụt ẹte ke kpukpru mmọ ẹkem ibat ye nte ke n̄kpọ inyụn̄ inamke mmọ. Kọmiti unọ un̄wam ẹkeme ndinam ndutịm man ẹnyene udia, edin̄wọn̄ mmọn̄ oro asanade, ọfọn̄, ebiet udakibuot, ye mme owo oro ẹdinọde usọbọ. Ediwak Mme Ntiense oro ẹnyenede orụk usọ oro ẹyomde ẹsinyịme ndikpe usụn̄ idemmọ n̄ka nnyụn̄ n̄ketiene nnọ un̄wam mîdịghe ẹtiene ẹdiọn̄ mme ufọkidụn̄ ye mme Ufọkmbono Obio Ubọn̄ oro ẹbiarade. Edidianakiet oro inyenede nte esop ye ifiọk oro inyenede ke ndinam utom ọtọkiet ẹsinam ikeme ndisọsọp nnyene mme n̄kpọ un̄wam ye mme anamutom ke ini afanikọn̄. Okposụkedi emi isin̄wamde “mmọ emi ẹbuanade n̄kpọ ye nnyịn ke mbuọtidem,” nnyịn imesin̄wam mbon en̄wen n̄ko edieke ikemede, inamke n̄kpọ m̀mê ewe ido ukpono ke mmọ ẹka.—Galatia 6:10.

Nnyịn imesinọ un̄wam eke spirit inyụn̄ inọ nsịnudọn̄. Mbon oro afanikọn̄ ọnọmọde ẹsinen̄ede ẹyom ndọn̄esịt. Ke mme utọ ini oro, odudu nnyịn esito Jehovah, kpa “Abasi kpukpru ndọn̄esịt.” (2 Corinth 1:3, 4) Nnyịn imesidat esịt ndinam mbon oro mînyeneke idotenyịn ẹfiọk se Bible ọn̄wọn̄ọde, inyụn̄ inọ mmọ nsọn̄ọ nte ke ibịghike Obio Ubọn̄ Abasi oyosio kpukpru n̄kpọ mmọn̄eyet ye ukụt efep.—Ediyarade 21:4.

  • Ntak emi Mme Ntiense ẹsisọpde ẹnọ un̄wam ke mme ini afanikọn̄?

  • Nso ndọn̄esịt eke spirit ke nnyịn ikeme ndibuana ye mbon oro ẹbọhọde unọmọ?

Kpep N̄kpọ En̄wen

Ekpri Vidio: Ke Ẹn̄wan̄wam Mbon Japan ke Isua Kiet Ama Ekebe!

Isua kiet ebe tọn̄ọ akwa unyekisọn̄ eketịbe ke Japan, edi Mme Ntiense Jehovah ke ẹn̄wan̄wam mbon Japan tutu emi.