Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 25

Mme Ufọkmbono Obio Ubọn̄—Ntak Ẹsibọpde Mmọ ye Nte Ẹsibọpde Mmọ

Mme Ufọkmbono Obio Ubọn̄—Ntak Ẹsibọpde Mmọ ye Nte Ẹsibọpde Mmọ

Bolivia

Nigeria, mbemiso ye idahaemi

Tahiti

Kpa nte ikọ oro Ufọkmbono Obio Ubọn̄ owụtde, akpan ukpepn̄kpọ Bible oro ẹsinemede do aban̄a Obio Ubọn̄ Abasi, emi okonyụn̄ edi ibuotikọ utom ukwọrọikọ Jesus.—Luke 8:1.

Mmọ ẹdi mme akpan ebiet utuakibuot akpanikọ ke obio. Do ke ẹsinam ndutịm ẹwọrọ ẹka ẹkekwọrọ eti mbụk Obio Ubọn̄. (Matthew 24:14) Ndusụk Ufọkmbono Obio Ubọn̄ ẹkponi ẹkan ndusụk ẹnyụn̄ ẹkpụhọde ke nte ẹbọpde, edi kpukpru mmọ ẹdi ukeuke; esop kiet m̀mê awakde akan oro ẹsidu ke Ufọkmbono Obio Ubọn̄ kiet. Ke mme isua ndondo emi, imọbọp ediwak tọsịn mbufa Ufọkmbono Obio Ubọn̄ (ition kpukpru usen ke ẹbaharede ukem ukem) ke ntak n̄kọri oro odude ke mme esop. Nso inam ẹkeme ndinam emi?—Matthew 19:26.

Ẹda okụk emi ẹtịpde kaban̄a emi ẹbọp. Ke kpukpru Ufọkmbono Obio Ubọn̄, ekebe etịbe efen odu oro ẹwetde Kingdom Hall Construction Worldwide. Ẹsinọ okụk emi ẹsọk n̄kọk itieutom man okụk odu ọnọ mme esop oro ẹyomde ndibọp m̀mê ndifiak ndiọn̄ Ufọkmbono Obio Ubọn̄ mmọ, ye unana edibọ mmọ udori.

Mme anamutom unyịmesịt oro owo mîkpehe okụk, emi ẹtode nsio nsio itie ẹsibọp. Ke ediwak idụt, ẹmetịm Mme Otu Ubọp Ufọkmbono Obio Ubọn̄. Otu mme asan̄autom ubọpn̄kpọ ye mbon unyịmesịt ẹsika nsio nsio esop ke idụt kiet, idem ke ata nsannsan ebiet, man ẹkeda usụn̄ ke utom ubọpn̄kpọ kiet kiet ẹnyụn̄ ẹnọ Mme Ntiense ke n̄kann̄kụk oro ukpep. Ke mme idụt efen, ẹmek Mme Kọmiti Ubọpufọk Eke Ikpehe ke Ikpehe ndise nte ẹbọpde ẹnyụn̄ ẹdiọn̄de mme Ufọkmbono Obio Ubọn̄ ke ikpehe oro ẹnọde mmọ ẹse ẹban̄a. Mbiowo emi ẹnyenede ifiọk ubọpn̄kpọ ẹsida mme esop usụn̄ ke kpukpru ikpehe ubọpn̄kpọ, ndien mbon oro ẹnyenede usọ ẹsinọ idem mmọ unyịme unyịme ndinam utom. Ke kpukpru itie ubọpn̄kpọ, n̄wakn̄kan ke otu mme anamutom unyịmesịt ẹdi mbon esop n̄kann̄kụk oro. Spirit Jehovah ye ukeme ofụri ukpọn̄ oro ikọt esie ẹsịnde anam ẹkeme ndinam kpukpru emi.—Psalm 127:1; Colossae 3:23.

  • Ntak emi ikotde mme itie utuakibuot nnyịn Ufọkmbono Obio Ubọn̄?

  • Nso inam ikeme ndibọp mme Ufọkmbono Obio Ubọn̄ ke ofụri ererimbot?

Kpep N̄kpọ En̄wen

MBONO ESOP

Nso ke Ẹsinam ke Ufọkmbono Obio Ubọn̄?

Se se ẹsinamde do.

MMANIE ẸNAM UDUAK JEHOVAH MFỊN?

Didie ke Isinịm Mme Mbono Esop Mme Ntiense Jehovah?

Ndi emekere m̀mê nso ke isinam ke mbono esop nnyịn? Eyenen̄ede ama se afo edikpepde ke Bible edieke edide.