Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 5

Nso Ufọn ke Edibọ ke Mme Mbono Esop Christian Nnyịn?

Nso Ufọn ke Edibọ ke Mme Mbono Esop Christian Nnyịn?

Argentina

Sierra Leone

Belgium

Malaysia

Ediwak owo ẹtre ndidụk mme edinam ufọkabasi koro owo ibọrọke mme akpan mbụme oro ẹfịnade mmọ m̀mê ndinọ mmọ ndọn̄esịt. Edi, ntak emi afo okpodụkde mbono esop Christian oro Mme Ntiense Jehovah ẹtịmde? Nso ke afo edikụt do?

Oyokop idatesịt ndidu ye mbon oro ẹnyenede ima ye edikere mban̄a. Ke akpa isua ikie, ẹma ẹsibahade mme Christian ẹsịn ke mme esop, mmọ ẹma ẹsinịm mme mbono esop ndituak ibuot nnọ Abasi, n̄kpep N̄wed Abasi, nnyụn̄ nsịn udọn̄ nnọ kiet eken. (Mme Hebrew 10:24, 25) Ke ini mmọ ẹkesisopde idem ke mme inem inem mboho emi, mmọ ẹkesida nte ke mmimọ idu ye mme ufan akpanikọ, kpa nditọete mmọ eke spirit. (2 Thessalonica 1:3; 3 John 14) Nnyịn itiene ukem uwụtn̄kpọ emi ndien emi anam ikop idatesịt.

Eyekpep nte ekemede ndida mme edumbet Bible nsịn ke edinam. Kpa nte ẹkesinamde ke eyo Bible, kpukpru irenowo, iban, ye nditọwọn̄ ẹsisop idem ọtọkiet. Mme andikpep oro ẹdotde ẹsida Bible ẹn̄wam nnyịn ifiọk nte ikpadade mme edumbet Bible isịn ke edinam ke uwem nnyịn. (Deuteronomy 31:12; Nehemiah 8:8) Kpukpru owo ẹkeme nditiene mbuana ke nneme otuowo ye ke ikwọ, emi esinam nnyịn ikeme ndiwụt idotenyịn oro inyenede nte mme Christian.—Mme Hebrew 10:23.

Ọyọsọn̄ọ mbuọtidem oro enyenede ke Abasi. Apostle Paul ọkọdọhọ kiet ke otu mme esop oro ẹkedude ke eyo esie ete: ‘Ọdọn̄ mi ndikụt mbufo man nnyịn ikpada mbuọtidem nnyịn, eke mbufo ye okịm, isịn udọn̄ inọ kiet eken.’ (Rome 1:11, 12) Nnyịn ndisobo ye ekemmọ mme andinịm ke akpanikọ kpukpru ini ke mme mbono esop esisọn̄ọ mbuọtidem nnyịn onyụn̄ anam itetịm ibiere ndidu uwem nte mme Christian.

Imokot fi ite edidụk mbono esop efen oro idinyenede man okụt kpukpru emi ke idemfo. Ẹyenen̄ede ẹdara fi. Kpukpru mbono esop nnyịn edi ke mfọn, owo isikamake usan isan̄a ibọ okụk.

  • Uwụtn̄kpọ mmanie ke nnyịn itiene ke nte inịmde mbono esop nnyịn?

  • Nso ufọn ke ikeme ndibọ ke ini idụkde mme mbono esop Christian?

Kpep N̄kpọ En̄wen

MBONO ESOP

Nso ke Ẹsinam ke Ufọkmbono Obio Ubọn̄?

Se se ẹsinamde do.

MBONO ESOP

Mbono Esop Mme Ntiense Jehovah

Se ebiet ye ini emi isisopde idem ye nte isikponode Abasi.