Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 17

Didie ke Mme Esenyịn Oro Ẹsan̄ade-San̄a Ẹn̄wam Nnyịn?

Didie ke Mme Esenyịn Oro Ẹsan̄ade-San̄a Ẹn̄wam Nnyịn?

Malawi

Otu an̄wautom

Utom an̄wautom

Mbono mbiowo

N̄wed Abasi Christian Usem Greek esiwak nditịn̄ mban̄a Barnabas ye apostle Paul. Mmọ ẹkenam utom nte mme esenyịn oro ẹsan̄ade-san̄a, ẹkade ẹkese mme esop oro ẹkedude ini oro. Ntak-a? Ama enen̄ede ọdọn̄ mmọ ndifiọk n̄kpọ mban̄a mfọnọn̄kpọ nditọete mmọ eke spirit. Paul ọkọdọhọ ke imọ ima iyom ‘ndifiak n̄ka n̄kese nditọete’ man ifiọk nte n̄kpọ etiede ye mmọ. Enye ama esinyịme ndinam isan̄ ke ata ediwak kilomita man ọkọsọn̄ọ mmọ idem. (Utom 15:36) Mme esenyịn nnyịn oro ẹsan̄ade-san̄a ẹsinyịme ndinam ukem oro mfịn.

Mmọ ẹsidi ndisịn udọn̄ nnọ nnyịn. Esenyịn circuit esisan̄a urua kiet kiet ese n̄kpọ nte esop 20, ese esop kiet ikaba ke isua. Esenyịn district esisan̄a ese n̄kpọ nte circuit duop ini kiet ke isua, aka ekese mme esop, onyụn̄ edi etieibuot okpokoro ke mbono circuit kiet kiet. Nnyịn imekeme ndibọ ufọn akamba akamba ito ifiọkutom nditọete emi ye eke iban mmọ edieke mmọ ẹdọde ndọ. Mmọ ẹsidomo ndimehe ye n̄kpri ye ikpọ ke esop, esinyụn̄ ọdọn̄ mmọ ndisan̄a ye nnyịn ke an̄wautom nnyụn̄ nsan̄a ye nnyịn n̄ka ukpepn̄kpọ Bible nnyịn. Mme esenyịn emi ẹsisan̄a ye mbiowo ẹka utom ubọkerọn̄, ẹnyụn̄ ẹsọn̄ọ nnyịn idem, ẹnọ mme utịn̄ikọ oro ẹnọde nsịnudọn̄ ke mme mbono esop ye ke n̄kpri ye ikpọ mbono.—Utom 15:35.

Mmọ ẹsikere ẹban̄a kpukpru owo. Mme esenyịn oro ẹsan̄ade-san̄a ẹsinen̄ede ẹkere ẹban̄a idaha eke spirit esop. Mmọ ẹsisobo ye mbiowo ye mme asan̄autom unamutom man ẹdụn̄ọde n̄kọri oro ẹnamde, ẹnyụn̄ ẹnọ mmọ nti item nte mmọ ẹdisede ẹban̄a utom mmọ. Mmọ ẹsin̄wam mme asiakusụn̄ ndikụt unen ke utom ukwọrọikọ mmọ, ẹma ndimehe ye mbufa owo, ẹnyụn̄ ẹma ndikop n̄kọri eke spirit oro mmọ ẹnamde. Nditọete emi kiet kiet ẹsinọ idemmọ nte “nsan̄autom ke ufọn [nnyịn].” (2 Corinth 8:23) Nnyịn ikpenyene ndikpebe mbuọtidem mmọ ye ima oro mmọ ẹmade Abasi.—Mme Hebrew 13:7.

  • Ntak emi mme esenyịn oro ẹsan̄ade-san̄a ẹsikade ẹkese mme esop?

  • Didie ke afo ekeme ndibọ ufọn ke ini mmọ ẹdide?

Kpep N̄kpọ En̄wen

Ntak Emi Mme Ntiense Jehovah Ẹsidụkde Ikpọ Mbono?

Nnyịn imesidụk akpan mbono ita kpukpru isua. Nso ke akpanam man etiene ọbọ ufọn mbono emi?

Didie ke Ẹtịm Utom Ukwọrọikọ Mme Ntiense Jehovah?

Nnyịn inyụn̄ inam se Jesus akanamde ke ini enye okodude ke isọn̄. Isikwọrọ ikọ didie?