Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 7

Didie ke Isinịm Mme Mbono Esop Nnyịn?

Didie ke Isinịm Mme Mbono Esop Nnyịn?

New Zealand

Japan

Uganda

Lithuania

Akpan n̄kpọ oro ẹkesinamde ke mbono esop akpa mme Christian ekesidi ndikwọ ikwọ, mbọn̄ akam, n̄kot nnyụn̄ nneme N̄wed Abasi. (1 Corinth 14:26) Ukem oro ke afo edikụt ke mbono esop nnyịn.

Se ẹkpepde do oto Bible onyụn̄ enyene ufọn. Ke utịturua, esop kiet kiet ẹsisop idem man ẹkop utịn̄ikọ Bible emi edide minit 30 oro aban̄ade nte N̄wed Abasi oyomde nnyịn idu uwem ye se enye etịn̄de aban̄a ini oro nnyịn idude mi. Ke ini ẹkotde Bible, ẹsisịn udọn̄ ẹnọ kpukpru nnyịn nditiene nse ke Bible nnyịn. Ke ẹma ẹkekụre utịn̄ikọ emi, ẹsinịm Ukpepn̄kpọ “Enyọn̄-Ukpeme” ke hour kiet, emi kpukpru owo ẹkemede nditiene mbuana ke nneme ibuotikọ Enyọn̄-Ukpeme nsiondi eke ukpepn̄kpọ. Nneme emi esin̄wam nnyịn ida se Bible ekpepde isịn ke edinam ke uwem nnyịn. Ukem ibuotikọ oro ke ẹsikpep ke kpukpru se iwakde ibe esop 100,000 ke ofụri ererimbot.

Ẹn̄wam nnyịn inen̄ede ifiọk ndinọ ukpep. Nnyịn imesisop idem n̄ko ke usen kiet en̄wen ke urua, ke mbubreyo, man idụk mbono esop oro edide ikpehe ita. Akpa kan̄a, ẹsinịm Ukpepn̄kpọ Bible Esop ke minit 30, kpa nneme mbụme ye ibọrọ emi esinamde mme edumbet N̄wed Abasi ye mme ntịn̄nnịm ikọ Bible ẹnen̄ede ẹn̄wan̄a nnyịn. Ekem, ẹsinịm Ufọkn̄wed Utom Ukara Abasi ke minit 30, ndien ẹsitọn̄ọ ke ndineme ikpehe itien̄wed Bible oro esop ẹma ẹkekokot mbemiso usen oro. Ndien nditọete oro ẹsịnde ẹnyịn̄ ke ufọkn̄wed oro ẹsinọ mbio mbio utịn̄ikọ. Ọnọitem esise nte ikotde n̄wed ye nte inọde utịn̄ikọ onyụn̄ etịn̄ ebiet oro inyenede ndinam n̄kọri. (1 Timothy 4:13) Akpatre edi Esoputom emi esidide minit 30, emi ẹsidade mme utịn̄ikọ, mme nnamn̄wụt, ye mme ndụn̄ọde, ẹkpep nnyịn nte ikpekpepde mme owo Bible.

Ke ini odụkde mme mbono esop nnyịn, afo udutreke ndidara mban̄a orụk ukpepn̄kpọ Bible oro edibọde.—Isaiah 54:13.

  • Nso ke afo odori enyịn ndikop ke mbono esop Mme Ntiense Jehovah?

  • Ewe mbono esop nnyịn eke urua ke urua ke afo akpama ndidụk?

Kpep N̄kpọ En̄wen

Ẹtịm Esop Mme Ntiense Jehovah Didie?

Se nte isibọde item ye ndausụn̄.