Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 11

Ntak Emi Nnyịn Isidụkde Ikpọ Mbono?

Ntak Emi Nnyịn Isidụkde Ikpọ Mbono?

Mexico

Germany

Botswana

Nicaragua

Italy

Nso inam iso mbon emi ọyọhọde ntem ye idatesịt? Mmọ ẹdụk kiet ke otu mme mbono nnyịn. Kpa nte ẹkedọhọde ikọt Abasi ke eset ẹte ẹsisop idem ikata ke isua, esiduai nnyịn idem ndisop idem ọtọkiet ke ikpọ otu. (Deuteronomy 16:16) Kpukpru isua, imesinyene edinam ita: usen akpan mbono, mbono circuit usen iba, ye mbono district usen ita. Nso ufọn ke isibọ ito mme mboho emi?

Mmọ ẹsisọn̄ọ nditọete Christian nnyịn idem. Kpa nte nditọ Israel ẹkesikopde idatesịt nditoro Jehovah “ke otu mbon esop,” nnyịn n̄ko imesikop idatesịt ndidiana kiet ntuak ibuot nnọ enye ke mme akpan edinam emi. (Psalm 26:12; 111:1) Mme mboho emi ẹsinam nnyịn inyene ifet ndisobo nnyụn̄ mmehe ye Mme Ntiense ke mme esop m̀mê mme idụt en̄wen. Nnyịn imesitie ọtọkiet idia udia ke uwemeyo, ndien emi esitiene anam nnyịn itie ufan ufan ke mme ini edinam eke spirit emi. (Utom 2:42) Do ke isikụt nte ima adiande “ofụri otu nditọete” ke ererimbot ọtọkiet.—1 Peter 2:17.

Mmọ ẹsin̄wam nnyịn inam n̄kọri eke spirit. Nditọ Israel ẹma ẹbọ ufọn koro ikọ N̄wed Abasi oro ẹketatde ẹnọ mmọ ‘ama an̄wan̄a mmọ.’ (Nehemiah 8:8, 12) Nnyịn n̄ko imesima item Bible oro isibọde ke mme mbono nnyịn. Ẹda edinam mbono kiet kiet ẹto ibuotikọ N̄wed Abasi. Ebede ke mme utịn̄ikọ, nneme eke ikpehe ke ikpehe, ye ẹdifiak nnam se iketịbede n̄wụt, nnyịn imesikpep nte ikemede ndinam uduak Abasi. Nnyịn imesikop ndọn̄esịt ke ini ikopde mme ifiọkutom mbon oro ẹkụtde unen ke ndiyọ mme mfịna ke ntak emi mmọ ẹdude uwem nte mme Christian ke mme ini nsọn̄ọn̄kpọ emi. Ke mme mbono district, mme drama Bible oro ẹsịnede usịnen̄kpọ eset ẹsinam mme mbụk Bible ẹnen̄ede ẹn̄wan̄a nnyịn, ẹnyụn̄ ẹkpep nnyịn nti n̄kpọ. Ke kpukpru mbono, mbon oro ẹyomde ndiyarade uyakidem mmọ nnọ Abasi ẹsina baptism.

  • Ntak emi mme mbono nnyịn ẹsidide ini idatesịt?

  • Didie ke afo edibọ ufọn edieke odụkde mbono?

Kpep N̄kpọ En̄wen

Ekpri Vidio: Mbono Mme Ntiense Jehovah Eke Isua ke Isua

Se ntak ediwak miliọn owo ẹdụkde akpan edinam emi.