Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Mmanie Ẹnam Uduak Jehovah Mfịn?

 Ukpepn̄kpọ 13

Anie Edi Asiakusụn̄?

Anie Edi Asiakusụn̄?

Canada

Ke ufọk ke ufọk

Ukpepn̄kpọ Bible

Ọkpọkpọ ukpepn̄kpọ

Ikọ oro “asiakusụn̄” esiwak ndida mban̄a mbon oro ẹsiakde mbufa ebiet ẹnyụn̄ ẹbererede usụn̄ ẹnọ mbon en̄wen nditiene. Jesus ekedi asiakusụn̄ ke utọ usụn̄ oro, koro ẹkenọ enye edi isọn̄ man edinam utom unyan̄a uwem onyụn̄ eberede usụn̄ ọnọ mme owo ndinyene edinyan̄a. (Matthew 20:28) Mfịn, mme anditiene enye ke ẹkpebe enye ke ndida adan̄a ini nte mmọ ẹkekeme ‘nnam mme mbet.’ (Matthew 28:19, 20) Ndusụk mmọ ẹtiene ẹbuana ke ndinam se nnyịn isikotde utom usiakusụn̄.

Asiakusụn̄ edi owo emi esikwọrọde ikọ kpukpru ini. Kpukpru Mme Ntiense Jehovah ẹdi mme ọkwọrọ eti mbụk. Edi ndusụk mmọ ẹsinam ndutịm man ẹkeme ndinam utom nte mme asiakusụn̄ ofụri ini, ẹkwọrọde ikọ hour 70 kpukpru ọfiọn̄. Ediwak mmọ ẹnam utom idịbi udia ke ibio ini man ẹkeme ndinam emi. Ẹmek mbon efen ndinam utom nte mme akpan asiakusụn̄ ke mme ebiet oro ẹnen̄erede ẹyom mme anditan̄a Obio Ubọn̄, mmọ ẹsikwọrọ ikọ ke hour 130 m̀mê akande oro kpukpru ọfiọn̄. Mme asiakusụn̄ ẹsidu mmemmem uwem, ẹnyụn̄ ẹnịm ke Jehovah ọyọnọ mmimọ se iyomde. (Matthew 6:31-33; 1 Timothy 6:6-8) Mbon oro mîkemeke ndinam utom usiakusụn̄ ofụri ini ẹkeme ndinam utom nte mme asiakusụn̄ unọ un̄wam ke ini mmọ ẹkemede, ẹkwọrọde ikọ ke hour 30 m̀mê 50 ke ọfiọn̄.

Ima oro asiakusụn̄ amade Abasi ye mme owo ẹsinam enye asiak usụn̄. Nnyịn n̄ko imokụt idiọk idaha eke spirit oro mme owo ẹdude mfịn kpa nte Jesus okokụtde. (Mark 6:34) Edi nnyịn imenyene ifiọk oro ekemede ndin̄wam mmọ idahaemi, oro edinamde mmọ ẹnyene ata idotenyịn oro aban̄ade ini iso. Ima mbọhọidụn̄ esinam asiakusụn̄ enen̄ede esịn ini ye ukeme esie ndin̄wam mbon efen ẹfiọk eti mbụk. (Matthew 22:39; 1 Thessalonica 2:8) Nte enye anamde emi, enye esisọn̄ọ mbuọtidem esie, etetịm asan̄a ekpere Abasi, onyụn̄ enen̄ede okop inemesịt.—Utom 20:35.

  • Afo ọkpọdọhọ ke asiakusụn̄ edi anie?

  • Nso isinam ndusụk owo ẹnam utom usiakusụn̄ ofụri ini?

Kpep N̄kpọ En̄wen

Utom Usiakusụn̄ Anam Nnyịn Inen̄ede Ikpere Abasi

Kot man ọfiọk usụn̄ itiaita emi utom uyọhọ ini ekemede ndinam nnyịn inen̄ede ikpere Jehovah. Nso ikeme ndin̄wam fi aka iso ke san̄asan̄a ifetutom emi