Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

Nso idi Obio Ubọn̄ Abasi?

Nso idi Obio Ubọn̄ Abasi?

Ndi ọkpọdọhọ ke . . .

  • odu owo ke esịt?

  • edi heaven?

  • edi ukara Abasi ke heaven?

 SE BIBLE ETỊN̄DE

“Abasi enyọn̄ oyowụk obio ubọn̄ eke owo mîdisoboke ifep tutu amama.” —Daniel 2:44, Edikabade Eke Obufa Ererimbot.

“Ẹnọ nnyịn eyeneren; ndien ubọn̄ [m̀mê ukara] oyodoro enye ke afara.” —Isaiah 9:6.

SE OBIO UBỌN̄ ABASI EDINAMDE INỌ FI

  • Ata eti ukara emi edifọnde ye afo. —Isaiah 48:17, 18.

  • Uwem eyenem etieti ke obufa ererimbot oro, idem oyonyụn̄ enen̄ede ọsọn̄ kpukpru owo.—Ediyarade 21:3, 4.

 NDI IMEKEME NDINỊM SE BIBLE ETỊN̄DE?

Ih, yak inọ fi ntak iba kpọt:

  • Jesus ama owụt se Obio Ubọn̄ Abasi edinamde. Jesus ekekpep mbet esie ẹbọn̄ akam ẹte Obio Ubọn̄ Abasi edi, yak ẹnyụn̄ ẹnam uduak Abasi ke isọn̄. (Matthew 6:9, 10) Enye ama owụt n̄ko nte Abasi edibọrọde Akam Ọbọn̄ emi.

    Ke ini Jesus okodude ke isọn̄, enye ama ọnọ mbon oro biọn̄ ọkọdọn̄de udia, anam idem ọsọn̄ mbon oro ẹkedọn̄ọde, onyụn̄ anam mme akpan̄kpa ẹset! (Matthew 15:29-38; John 11:38-44) Sia edide enye ke Abasi emek ete akara Obio Ubọn̄ emi, Jesus okowụt nti n̄kpọ oro Obio Ubọn̄ emi edinamde inọ mme owo.—Ediyarade 11:15.

  • Nte ererimbot emi etiede owụt ke Obio Ubọn̄ Abasi ọmọn̄ edisesịm. Jesus ọkọdọhọ ima ikokụt ekọn̄, akan̄, ye unyekisọn̄, yak ifiọk ke Obio Ubọn̄ Abasi ọmọn̄ ededi edinam ofụri ererimbot emi odu ke emem ye ifụre.—Matthew 24:3, 7.

    Nnyịn imokụt kpukpru emi mfịn. Ntre, emi anam inen̄ede inịm ke Obio Ubọn̄ Abasi ọmọn̄ ededi editre kpukpru afanikọn̄ ererimbot emi.

 KERE ISE

Uwem editie didie ke Obio Ubọn̄ Abasi?

Bible ọbọrọ mbụme emi ke PSALM 37:29 ye ISAIAH 65:21-23.

Kpep N̄kpọ En̄wen

Ẹdinam Didie Ẹnyene Emem ke Isọn̄?

Se nte Abasi edidade Obio Ubọn̄ esie anam emem odu ke ererimbot.

Ntak Emi Abasi Okobotde Isọn̄ Emi?

Bible etịn̄ ntak emi Abasi okobotde isọn̄ emi, ini emi ufen editrede, ye nte isọn̄ emi editiede ke ini iso ye mbon oro ẹdidun̄de ke isọn̄ ini oro.