Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Obio Ubọn̄ Abasi Akara!

Ufien: N̄wan emi ekedide colporteur ke ọkwọrọ ikọ ke Korea ke isua 1931; nnasia: Ndikwọrọ ikọ ke usem idiọn̄ọ ke Korea mfịn

 IKPEHE 2

Edikwọrọ Obio Ubọn̄—Ndikwọrọ Eti Mbụk ke Ofụri Ererimbot

Edikwọrọ Obio Ubọn̄—Ndikwọrọ Eti Mbụk ke Ofụri Ererimbot

 AFO amabak etịm idem ndiwọrọ an̄wautom ke usen emi mûdukaha utom. Edi emen̄e ke esisịt ini sia etiede nte amakpa mba esisịt. Enen̄ede ọdọn̄ fi ndida usenubọk oro nduọk odudu! Edi afo ọbọn̄ akam aban̄a n̄kpọ emi onyụn̄ ebiere ndiwọrọ an̄wautom. Afo asan̄a ye anam-akpanikọ eyenete an̄wan emi okponde owo, omonyụn̄ enen̄ede ama ukeme esie ndiyọ n̄kpọ ye nte enye ọfọnde ido. Ndien nte mbufo ẹkwọrọde etop akpanikọ ke ufọk ke ufọk, afo eti ke nditọete fo ke ofụri ererimbot ke ẹkwọrọ ukem etop emi, ẹnọ mme ukem n̄wed, kpukpru mmọ ẹnyụn̄ ẹbọ ukem ukpep emi mbufo ẹbọde. Etisịm ini emi ọnyọn̄de esịm ufọk, afo afiak okop odudu. Esịt enen̄ede adat fi sia mûkafiakke utie ke ufọk!

Idahaemi, utom ukwọrọikọ mme Christian edi akpan utom Obio Ubọn̄ Abasi. Jesus ama etịn̄ ke utom ukwọrọikọ eyenen̄ede atara ke mme akpatre usen. (Matt. 24:14) Didie ke ntịn̄nnịm ikọ esie emi osu? Ke ikpehe emi, iyeneme iban̄a mme owo, mme usụn̄, mme n̄kpọutom oro ẹnen̄erede ẹn̄wam ke utom ukwọroikọ mme Christian, emi anamde ediwak miliọn owo ke ofụri ererimbot ẹkụt ke Obio Ubọn̄ Abasi edi ata ukara.