Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Obio Ubọn̄ Abasi Akara!

Ufien: Ẹmụm eyenete emi ọkọkwọrọde ikọ ke Eindhoven ke Netherlands ke 1945; nnasia: Ndi ibet enyịme ẹkwọrọ ikọ ke ebiet emi afo odụn̄de?

 IKPEHE 4

Obio Ubọn̄ Akan—Ndida Ibet Nnam Eti Mbụk Ọsọn̄ọ Ada

Obio Ubọn̄ Akan—Ndida Ibet Nnam Eti Mbụk Ọsọn̄ọ Ada

 KE INI mbufo ẹkwọrọde ikọ ke ufọk ke ufọk, mbufo ẹmekop ifiom moto bodisi. Nte moto oro awatde ekpere, ifiom oro ọdọdiọn̄ ọsọn̄ uyo. Nte mbufo ẹtọn̄ọde ndikwọrọ ikọ nnọ owo en̄wen, moto bodisi oro awat edituak ada, nsan̄a fo ọwọn̄ọde enyịn ese. Bodisi kiet ọwọrọ edibụp ete: “Ndi mbufo mbiba ẹsikama Bible ẹsan̄a ke ufọk ke ufọk ẹkwọrọ ikọ? Ẹsitọt mbufo ẹnọ nnyịn!” Mbufo ẹbọrọ ukpono ukpono ke idi Mme Ntiense Jehovah. Mbufo ẹkere ke mmọ ẹdinam nso?

Se ẹkesinamde ke ini edem ke ẹdinyụn̄ inam. Ukara idụt mbufo esinam n̄kpọ didie ye Mme Ntiense Jehovah ke ediwak isua emi ẹbede? Ndi ẹmenyene ifụre ndikpono Abasi ke idụt mbufo? Edieke edide ntre, anaedi nditọete ẹma ẹsịn ifịk ‘ẹn̄wana ẹnyụn̄ ẹda ibet ẹnam eti mbụk ọsọn̄ọ ada’ ke ediwak isua. (Phil. 1:7) Inamke n̄kpọ m̀mê odụn̄ ke m̀mọ̀n̄, afo ndikere mban̄a ikpe oro Mme Ntiense Jehovah ẹkekande ekeme ndinam mbuọtidem fo okpon. Iyeneme ndusụk n̄wọrọnda ikpe oro ke ikpehe emi. Mme ikpe oro ikakande do ẹwụt ke Obio Ubọn̄ edi ata ukara, koro nnyịn ikpekemeke ndinam kpukpru emi ke odudu idem nnyịn!