Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2015

 SE ẸKENAMDE ISUA OKO

Itieutom Emi Esede Aban̄a Ubọpn̄kpọ ke Ofụri Ererimbot

Itieutom Emi Esede Aban̄a Ubọpn̄kpọ ke Ofụri Ererimbot

NTE Mme Ntiense Jehovah ẹwakde anam ẹyom ediwak Ufọkmbono Obio Ubọn̄, Itie Mbono, itie oro ẹdinịmde mme ufọkn̄wed esop Abasi, itie ukabade n̄wed emi mîdụhe ke n̄kọk itieutom, ye n̄kọk itieutom ke nsio nsio itie. Emi akanam Otu Emi Ẹsede Ẹban̄a Utom Mme Ntiense Jehovah ẹsiak obufa itieutom ke October 2013 man ẹwet mbuwet ufọk, ẹbọp, ẹfiak ẹdiọn̄, ẹnyụn̄ ẹtịm ẹse ẹban̄a mme itie emi ke usụn̄ oro owo mîdibiatke ediwak okụk. Ẹkot enye Itieutom Emi Esede Aban̄a Ubọpn̄kpọ ke Ofụri Ererimbot. Enye odu ke ibuot itieutom ofụri ererimbot nnyịn ke Brooklyn, New York, ndien Kọmiti Oro Esede Aban̄a Usio N̄wed ese aban̄a enye n̄ko.

 Itieutom Emi Esede Aban̄a Ubọpn̄kpọ ke Ofụri Ererimbot ese n̄ko aban̄a se ẹnamde ke Itieutom Emi Esede Aban̄a Ubọpn̄kpọ ke Ikpehe ke Ikpehe. Itieutom enye emi odu ke n̄kọk itieutom Australia, Germany, South Africa, ye United States. Itieutom emi ese aban̄a mbuwet, edibọp, ye edise mban̄a se ẹbọpde ke ebiet emi mmọ ẹsede enyịn. Mmọ ẹyom ndin̄wam ẹsọsọp ẹbọp Ufọkmbono Obio Ubọn̄. Ke akpa, Kọmiti Ubọpufọk Eke Ikpehe ke Ikpehe mîdịghe ndutịm emi ẹkenamde ẹnọ mme idụt oro mînen̄ekede inyene n̄kpọ ke ẹkesida ẹbọp mme Ufọkmbono Obio Ubọn̄. Ẹtan̄ mbiba emi ẹdian kiet idahaemi, sia emi ayan̄wam nnyịn isọsọp ibọp kpukpru n̄kpọ oro iyomde.

Man ẹsọsọp ẹbọp ediwak Ufọkmbono Obio Ubọn̄ ye mme Itie Mbono emi iyomde, ẹma ẹsiak Itieutom Emi Esede Aban̄a Ubọpn̄kpọ ke N̄kann̄kụk ke n̄kọk itieutom kiet kiet. Kọmiti N̄kọk Itieutom idụt kiet kiet esise aban̄a se itieutom emi anamde. Akpan n̄kpọ kiet emi anamde ukpụhọde enye emi ọfọn edi nte ke kpukpru n̄kọk itieutom ẹkeme ndimek nditọete emi ẹsibọpde n̄kpọ ẹnọ esop Abasi, oro ẹnamde utom emi kpukpru ini ke idụt mmọ man ẹn̄wam nditọete ẹbọp mme Ufọkmbono Obio Ubọn̄ ye mme Itie Mbono.

Ke April 2014, ima inyene ikpọ ufọk emi ẹbede 270 emi akanade ẹbọp ẹma, esịnede itie ukabade n̄wed 90 emi mîdụhe ke n̄kọk itieutom, Itie Mbono 35, ye n̄kpọ 130 emi anade ibọp ke nsio nsio n̄kọk itieutom. Ke adianade ye emi, ana ẹbọp m̀mê ẹfiak ẹdiọn̄ se iwakde ibe Ufọkmbono Obio Ubọn̄ 14,000.

Enen̄ede enem ndikụt nte ikọt Jehovah emi ẹtode nsio nsio idụt ẹnyụn̄ ẹsemde nsio nsio usem ẹdianade kiet ntem ẹbọp mme ufọk emi ẹnamde ẹtoro  edisana enyịn̄ esie! Dan Molchan emi anamde utom ke Ọfis Kọmiti Mbonutom ke ibuot itieutom ofụri ererimbot ọdọhọ ete: “Utom emi osụhọde ke okpokpon, emi anam ikọm nditọete nnyịn ke ndibọn̄ akam mban̄a utom emi nnyụn̄ ntịp okụk nnọ ẹda ẹnam. Imenen̄ede ikọm nditọete emi ẹnyịmede nditiene n̄n̄wam ke utom emi.”

Kpep N̄kpọ En̄wen

Ẹsida Okụk ke M̀mọ̀n̄ Ẹnam Utom Mme Ntiense Jehovah?

Se nte Mme Ntiense ẹkade iso ẹkwọrọ ikọ ke ofụri isọn̄ kpa ye oro mîtan̄ke etịbe m̀mê ndikpe tithe.