Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2015

 DOMINICAN REPUBLIC

Owo Ntịme Emi Mîkenịmke ke Abasi Do Edidi Asan̄autom Abasi

Juan Crispín

Owo Ntịme Emi Mîkenịmke ke Abasi Do Edidi Asan̄autom Abasi
  • AKAMANA KE 1944

  • ANA BAPTISM KE 1964

  • SE IBAN̄ADE ENYE Owo emi mîkenịmke ke Abasi do anam n̄kpọ Jehovah ke isua 50 idahaemi.

KE INI n̄kedide akparawa, esịt ikenemke mi nte mbon emi ẹsikade ufọkabasi ẹsisuade kiet eken. N̄kọdiọn̄ọke ntak emi Abasi ayakde mme owo ẹka iso ẹbuene, ntak emi enye ayakde ufịk odu, ye ntak emi ediwak mme aka ufọkabasi mînamke se Bible ekpepde. Ntre n̄kenịmke ke Abasi do, n̄konyụn̄ n̄kere ke ndisịn ntịme ye ukara ekeme ndinam ererimbot emi ọfọn.

Mma ntọn̄ọ ndikot Ẹdemede! ke 1962. Ekem ke 1963, mma nnyịme Mme Ntiense Jehovah ẹdikpep mi Bible. Se n̄kekpepde ama enen̄ede otụk mi. Mma ndifiọk ke idịghe Abasi ọdọn̄ nsio nsio ido ukpono ofụri ibak emi mmọ ẹbakde, edi ke enye ọn̄wọn̄ọ ndinam ererimbot emi ọfọn. Ke ọfiọn̄ iba kpọt ama ekebe tọn̄ọ n̄kọtọn̄ọ ndikpep Bible, mma ntọn̄ọ ndidọhọ mme owo ke Obio Ubọn̄ Abasi  ọmọn̄ edisobo idiọk ererimbot emi efep. N̄kana baptism ke 1964, nnyụn̄ ndi akpan asiakusụn̄ ke 1966. Mmenịm ke se n̄kpepde ke Bible enịm mi uwem sia ediwak mbon n̄ka ntịme nnyịn ẹma ẹkpa n̄kpa afai, ẹma ẹkọbi ndusụk, mbon eken ẹnyụn̄ ẹfehe ẹkpọn̄ obio. Mmọkọm Jehovah ke ndinam owo nte ami emi mmen̄kenịmke ke enye do akabade edi asan̄autom nnọ Abasi emi ọn̄wọn̄ọde ndinam ererimbot emi ọfọn.

Brọda Crispín ke enịm akam usenubọk ke Bethel