Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2015

 DOMINICAN REPUBLIC

Mmokụt Se N̄koyomde

José Estévez

Mmokụt Se N̄koyomde
  • AKAMANA KE 1968

  • ANA BAPTISM KE 1989

  • SE IBAN̄ADE ENYE José ekedi ekpri akparawa emi okoyomde ndidu inem uwem, ntre enye ama ọkpọn̄ edem mmọ aka akwa obio. Do ke enye ọkọfiọk akpanikọ. Enye ke esịn idem ọkwọrọ etop Obio Ubọn̄ Abasi ọnọ mme owo tutu emi.

KE INI José ekedide isua 11, enye ama ọkpọn̄ obio mmọ aka Santo Domingo. Enye ekesikwọhọde ikpaukot ọnọ mme owo, anyam sokoro, onyụn̄ ọkpọri ice ke usụn̄ man enyene okụk adia n̄kpọ. Etisịm ini emi enye ekedide akamba akparawa, mme owo ẹma ẹdiọn̄ọ ke enye esisịn idem anam utom. Ekem, akamba eyeneka esie emi edide Ntiense Jehovah ama ọdọhọ enye edise aban̄a ufọk imọ. Usen kiet, José ama okụt n̄wed Afo Emekeme Ndidu Uwem ke Nsinsi ke Paradise ke Isọn̄ ke okpokoro udia, onyụn̄ ada ofụri okoneyo oro okot n̄wed oro. Enye ama edikụt se idinamde uwem enen̄ede enem enye.

Urua oro eketienede, José ama aka Ufọkmbono Obio Ubọn̄ emi okodude ke mbọhọ mmọ ọkọdọhọ ke idi Ntiense Jehovah. Enye ama ọdọhọ mmọ ke se ikotde ke n̄wed Ndidu Uwem ke Nsinsi owụt ke ana isidụk mbono esop isinyụn̄  ikwọrọ ikọ. Enye ama onyụn̄ ọdọhọ ke imokot se Christian mîkpanamke, ke imọ inyụn̄ inamke mme n̄kpọ oro. Enye ama akabade edi asuanetop emi mînaha baptism ke ufan̄ usen 15, onyụn̄ ana baptism ke ọfiọn̄ 6 ama ekebe. Enye ekedi isua 21 ini oro.

Sia utom esie mîkesiyakke enye odụk mbono esop kpukpru ini, enye ama ọkpọn̄ utom oro akanam utom emi ẹkpede enye ekpri okụk. Utom enye emi ama ọnọ enye ini ndisidụk mbono esop nnyụn̄ nsiak usụn̄. Edi ke enye ama ọkọdọ n̄wan onyụn̄ obon nditọ irenowo iba, enye ikekemeke aba ndisiak usụn̄.

José okoyom nditọ esie ẹkpep Bible toto ke idịbi. Ntre, ke ini Josefina an̄wan esie akasan̄ade ye idịbi ọfiọn̄ ita, enye ama esikot N̄wed Mi Eke Mme Mbụk Bible ọnọ Noé akpan esie ke esịt idịbi. Etisịm ini emi Noé akamanade, ete esie ama okot ofụri n̄wed emi ọnọ enye. Se enye okonyụn̄ anamde ye Neftalí udọ esie edi oro.

Ekem, ẹma ẹnam José akwaowo ke itie mbubehe kiet ẹsinyụn̄ ẹkpe enye okụk emi akande se enye ekesidiade utịm ikoduop. Edi ke 2008, enye ama ọkpọn̄ akamba itie oro ẹkenọde enye ke itieutom ke ini akpan esie ekedide isua 13, udọ onyụn̄ edide isua 10, afiak ọtọn̄ọ usiakusụn̄; isan̄ enye emi ye n̄wan ye nditọ esie. Sia okụk emi enye esibọde mîwakke, kpukpru owo ke ufọk ẹkpep ndifafam n̄kpọ mbak ẹkûnen̄ede ẹbiat okụk. Kpukpru mmọ ẹsikpep Bible ye n̄kpọ nte owo 30 kpukpru ọfiọn̄. Jesus ọkọdọhọ ke Jehovah ọyọdiọn̄ nnyịn edieke ibemde iso iyom Obio Ubọn̄ esie. (Matt. 6:33) José ye ofụri ufọk esie ẹnịm ikọ Jesus emi ke akpanikọ, Jehovah onyụn̄ ọdiọn̄ mmọ nte enye ọkọn̄wọn̄ọde.