Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2015

 DOMINICAN REPUBLIC

Jehovah Anam Ediwak Owo Ẹkop Ikọ Esie

Leonardo Amor

Jehovah Anam Ediwak Owo Ẹkop Ikọ Esie
  • AKAMANA KE 1943

  • ANA BAPTISM KE 1961

  • SE IBAN̄ADE ENYE Ekekpep Ikọ Abasi ke ini enye edide akparawa onyụn̄ anam utom ofụri ini ebe isua 50.

N̄KANA baptism ke 1961, n̄kpọ nte ọfiọn̄ kiet tọn̄ọ ẹkewot Trujillo, ke ini n̄kosụk n̄kpepde ibet ke ufọkn̄wed ntaifiọk. Ete mi okoyom ndi ekpeibet, edi mma ndiọn̄ọ ke ndikpep Ikọ Abasi ọfọn akan ukpeibet. Kpa ye oro ete mi ekesịnde editịm ete nsụk n̄ka n̄wed, mma n̄kpọn̄ ufọkn̄wed ntaifiọk. Esisịt ini ke mma n̄kọkpọn̄ ufọkn̄wed, ẹma ẹmek mi akpan asiakusụn̄.

Kiet ke otu obio emi emi ẹkenọde mi n̄ka ekedi La Vega. Toto ke eset, kpukpru mbon obio emi ẹsika Catholic. Owo ndomokiet ikodụkke esop ofụri ini emi n̄kọkwọrọde ikọ ke La Vega. Ke ini n̄kọnọde utịn̄ikọ ofụri owo, akpan asiakusụn̄ emi eketienede mi anam utom do ikpọn̄ ekesidu. Edi sia n̄kesikpepde Bible ke idemmi, ndụk ikpọ mbono, nnyụn̄ mbọn̄ akam kpukpru ini, Jehovah ama an̄wam mi. Mma  mbọn̄ akam mbụp Jehovah m̀mê esop ndomokiet oyosụk odu ke La Vega tutu amama. Esịt enem mi nditịn̄ ke Ufọkmbono Obio Ubọn̄ 6, esop 14, ye se ibede mme asuanetop 800 ẹdu idahaemi ke La Vega.

Mma ndọ Ángela an̄wan mi ke 1965, ndien ẹma ẹdọhọ nnyịn idinam utom ke Bethel ke 1981. Ke ini n̄kanade baptism, mme asuanetop 681 kpọt ẹkedu ke idụt emi. Idahaemi ẹwak ẹbe 36,000, ndien ediwak tọsịn owo ẹsidụk mbono nnyịn. Ke ini ntiede n̄kere nte utom ukwọrọikọ eketiede ke eset, idem akpa mi ndikụt nte Jehovah anamde ediwak owo ẹkop ikọ esie.

Kọmiti N̄kọk Itieutom, to ufien ka nnasia: Reiner Thompson, Juan Crispín, Thomas Dean, Leonel Peguero, Leonardo Amor, ye Richard Stoddard