Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2015

 DOMINICAN REPUBLIC

“Iyokụt Mmọ”

“Iyokụt Mmọ”

“Usen Kiet Usen Kiet Iyokụt Mmọ”

Ke n̄kpọ nte 1935, Pablo González emi okodụn̄de ke Cibao Valley ama ọtọn̄ọ ndisikot Bible. Enye ikakaha ufọkabasi Protestant ibịghi sia mmọ mîkesinamke se Bible etịn̄de. Edi enye ama aka iso ekpep Ikọ Abasi ke idemesie onyụn̄ etịn̄ se enye ekekpepde ọnọ mbon en̄wen. Enye ọkọtọn̄ọ ye ikọtufọk esie ye mme mbọhọidụn̄ esie mbemiso akade mme obio en̄wen emi ẹkekperede obio mmọ. Enye ama anyam in̄wan̄ ye enan̄ esie onyụn̄ emen okụk oro ekpe usụn̄ asan̄a ọkwọrọ ikọ.

Ke 1942, Pablo ama esika ekese mme ubon 200 ke nsụhọde n̄kaha ke edem mmọ esinyụn̄ enịm mbono esop ke ubọk ke ubọk, okposụkedi emi akanam enye mîkwe Ntiense Jehovah ndomokiet. Enye ama esidọhọ mme owo ẹkpep Bible ẹnyụn̄ ẹnam se Bible etịn̄de. Ediwak owo ẹma ẹkop ẹnyụn̄ ẹtre sika, mbon emi ẹkedọde uwak iban ẹma ẹsio iban eken unyọn̄ ẹyak kiet odu.

Celeste Rosario ama etiene okop ukwọrọikọ Pablo. Enye ọdọhọ ete: “Ke ini n̄kedide isua 17, eyen eyeneka ete eka mi emi ekekerede Negro Jiménez ama esịne ke  otu mbon emi Pablo González ekesikpepde n̄kpọ. Ke ini enye ekedide edise ubon nnyịn, enye ama okot ndusụk itie N̄wed Abasi ke Bible ọnọ nnyịn ndien se n̄kokopde ama anam n̄kpọn̄ ufọkabasi Catholic. Ẹkesikot Bible ke Latin ẹnọ nnyịn ke ufọkabasi, se ẹkekotde ikesinyụn̄ in̄wan̄ake nnyịn. Ibịghike ke mma n̄kọkpọn̄ ufọkabasi, Pablo González ama edise nnyịn onyụn̄ etịn̄ ikọ ọsọn̄ọ nnyịn idem. Enye ọkọdọhọ ete: ‘Kpa ye emi nnyịn mîsịneke ke otu ediwak ufọkabasi emi idiọn̄ọde, imenyene nditọete ke ofụri ererimbot. Nnyịn idiọn̄ọke nditọete nnyịn emi kan̄a inyụn̄ idiọn̄ọke enyịn̄ emi ẹkotde mmọ, edi usen kiet usen kiet iyokụt mmọ.’”

Mbon emi Pablo ekesikpepde Bible ẹma ẹdu ke Los Cacaos Salcedo, Monte Adentro, Salcedo, ye Villa Tenares. Ke ini enye akakade isan̄ ke 1948, enye ama okụt Ntiense iba nte ẹkwọrọde ikọ ke efak ke Santiago, mmọ ẹma ẹnyụn̄ ẹnọ enye Enyọn̄-Ukpeme. Ini en̄wen emi enye akakade isan̄, eyenete an̄wan kiet ama ọnọ enye n̄wed iba onyụn̄ okot enye edidụk Editi n̄kpa Christ ke Santiago. Enye ama ama se enye okokopde ke Editi oro tutu enye enịm ke imọ imokụt akpanikọ, onyụn̄ enịm ke mbon  emi ẹkedụkde Editi oro ẹdi mbon emi imọ ikoyomde-yom.

Mme isụn̄utom iba ẹma ẹka ẹkese mbon emi Pablo ekesikpepde n̄kpọ. Ke akpa itie emi mmọ ẹkekade, mmọ ẹma ẹkụt owo 27 nte ẹtiede-tie ẹbet mmọ. Ndusụk mmọ ẹkesan̄a kilomita 25 ẹdi do, mbon eken ẹwat kilomita 50 ke enan̄ mbakara ẹdi! Ke ebiet en̄wen emi mmọ ẹkekade, mmọ ẹkekụt owo 78; ke ebiet en̄wen mmọ ẹkụt owo 69.

Pablo ama ọnọ mme isụn̄utom oro n̄kpọ nte enyịn̄ owo 150 emi ẹkemade Ikọ Abasi. Mbon emi ẹma ẹsụhọde idem, ẹma Abasi, ke ẹkenyụn̄ ẹkpep Bible ẹnyụn̄ ẹnam se Bible etịn̄de. Se ikosụhọde ekedi mmọ ndinyene esop ye owo emi edidade mmọ usụn̄. Celeste ọdọhọ ete: “Mme isụn̄utom ẹma ẹdi ẹdise nnyịn ẹnyụn̄ ẹnịm mbono esop. Ẹma ẹnịm mme owo baptism. Ami n̄kedi akpa owo emi ẹkenịmde baptism ke ufọk nnyịn. Ekem ẹma ẹnịm eka mi, Fidelia Jiménez, baptism ẹnyụn̄ ẹnịm Carmen udun̄wan eka mi.”

Ẹkenịm akpa mbono circuit ke Dominican Republic ke Santiago ke September 23-25, 1949. Mbono emi ama anam mme owo ẹnen̄ede ẹsịn idem ẹkwọrọ ikọ. Ediwak mbon emi ẹkeyomde ndidiọn̄ọ n̄kpọ mban̄a nnyịn ẹma ẹtiene ẹdụk ndien ibatowo ama ọdọk ke Sunday. Owo 260 ẹkekop utịn̄ikọ ofụri owo, owo 28 ẹnyụn̄ ẹna baptism. Se ẹkenamde ke mbono usen ita emi ama anam mbufa owo ẹnịm ke esop enye emi ke Abasi ada anam uduak esie.