KE 1492, Christopher Colombus ama awat aka obio emi owo ekemede ndika n̄kese n̄kop inem nnyụn̄ ntie n̄n̄wana okụk. Enye okokot obio emi New World [oro edi, obufa ererimbot]. Enye okokot kiet ke otu isuo emi enye ekebehede La Isla Española, m̀mê Hispaniola. Ẹkpebahade Hispaniola ke itie ita, mbon Dominican Republic ẹdụn̄ ke mbahade iba, mbon idụt en̄wen ẹdụn̄ ke mbahade kiet. Ndondo emi, ediwak tosịn mbon Dominican Republic ẹkụt n̄kpọ en̄wen emi Christopher Colombus mîkekwe. Mmọ ẹdikụt ke obufa ererimbot emi edinen ido edidude ke nsinsi oyodu ke Obio Ubọn̄ Abasi. (2 Pet. 3:13) Imọn̄ inọ fi mbụk mbon eti esịt emi ẹkekụtde se itịn̄de iban̄a emi.