Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2014

 SIERRA LEONE YE GUINEA

Mma Nnen̄ede Mma Sierra Leone

Cindy McIntire

Mma Nnen̄ede Mma Sierra Leone
  • AKAMANA KE 1960

  • AKANA BAPTISM KE 1974

  • SE IBAN̄ADE ENYE Isụn̄utom toto ke 1992. Enye akanam utom ke Guinea ye Senegal ndien anam utom idahaemi ke Sierra Leone.

KE INI n̄kedide ndibehe, akada mi urua iba kpọt ndinen̄ede mma Sierra Leone. Ama enen̄ede eye mi ndikụt nte mme owo ẹbiomde ikpọ mbiomo ke ibuot ifụre ifụre. Obio eketie uwem uwem. Nditọwọn̄ ẹma ẹsibre mbre, ẹkwak ubọk, ẹnyụn̄ ẹnek unek ke efak. Mma nsikụt nsio nsio n̄kpọ ye nsio nsio uduot nnyụn̄ n̄kop nsio nsio ikwọ.

Edi se mmade n̄kan mi edi utom ukwọrọikọ. Mbon Sierra Leone ẹma ndidara isenowo etieti. Mmọ ẹkpono Bible ẹnyụn̄ ẹma ndikpan̄ utọn̄ n̄kop etop esie. Mmọ ẹsiwak ndidọhọ mi ndụk ndi ufọk mmimọ. Mma nyom ndinyọn̄, ndusụk mmọ ẹsida mi isan̄ tutu ke ibuot efak. Nti edu emi ẹn̄wam mi nyọ mme utọ n̄kpri mfịna nte unana mmọn̄ ye ikan̄ ilektrik.

Sia mmendọhọ ebe, ndusụk ini mme owo ẹsibụp mi m̀mê akanam mmokop ndobo. Ke nditịn̄ akpanikọ, mmenyene ekese ndinam tutu nnyeneke ini ndikop ndobo. Uwem enen̄ede enem mi.