Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2014

 SIERRA LEONE YE GUINEA

Ima Ibiere Ndinam N̄kpọ Jehovah

Philip Tengbeh

Ima Ibiere Ndinam N̄kpọ Jehovah
  • AKAMANA KE 1966

  • AKANA BAPTISM KE 1997

  • SE IBAN̄ADE ENYE Owo itọkekọn̄ emi eketienede ọbọp Ufọkmbono Obio Ubọn̄ ition.

KE 1991, ami ye Satta an̄wan mi ima ifehe ke ini mbon oro ẹken̄wanade ye ukara ẹkekande Koindu obio nnyịn ke Sierra Leone. Ke ufan̄ isua itiaita, nnyịn ikodụn̄ ke nsio nsio itienna mbon itọkekọn̄. Udia ama anana do, udọn̄ọ awak, mme owo oro ikodụn̄de ntre ẹnyụn̄ ẹsinam oburobụt ido.

Ke kpukpru itienna oro ikodụn̄de, ima isidọhọ mbon oro ẹsede ẹban̄a ẹnọ nnyịn itie ibọp Ufọkmbono Obio Ubọn̄. Idịghe kpukpru ini ke ẹkesinọ nnyịn itie. Edi kpukpru ini ima isiyom itie inịm mbono esop. Ima ibiere ndinam n̄kpọ Jehovah. Ke akpatre, ima ibọp Ufọkmbono Obio Ubọn̄ inan̄.

Nnyịn ikekemeke ndinyọn̄ ufọk ke ekọn̄ ama okokụre. Ekọn̄ oro ẹken̄wanade ke ediwak isua do ama abiat Koindu ofụri ofụri. Ntre ẹma ẹnọ nnyịn ika itienna en̄wen ke mbọhọ Bo. N̄kọk itieutom ẹma ẹnọ nnyịn okụk ida ibọp ọyọhọ Ufọkmbono Obio Ubon̄ ition do.