Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2014

 SIERRA LEONE YE GUINEA

“Ayakpa ke Ufan̄ Isua Kiet”

Zachaeus Martyn

“Ayakpa ke Ufan̄ Isua Kiet”
  • AKAMANA KE 1880

  • AKANA BAPTISM KE 1942

  • SE IBAN̄ADE ENYE Ọkọtọn̄ọ utom usiakusụn̄ ke ini ekedide isua 72.

IDỊGHE owo ekekpep Zachaeus Bible. Edi ke enye ama okokot n̄wed Salvation ye The Harp of God, enye ama enịm ke imọ imokụt akpanikọ.

Tụhi-tụhi usenubọk Sunday kiet ke 1941, Zachaeus ama aka ndikodụk akpa mbono esop Mme Ntiense ke ebiet emi okoyomde usụn̄ ke kilomita itiaita, onyụn̄ odude ke ukot obot. Sia enye mîkọfiọkke ini emi mbono esop editọn̄ọde, enye ama abak ekesịm do ediwak hour mbemiso ini mbono esop. Zachaeus ama osụhọde etie ebet nditọete ẹdisịm. Ke ama okodụk mbono esop ke Sunday ita ke Ufọkmbono Obio Ubọn̄, enye ama ọdọhọ Ufọkabasi Anglican ke edem mmọ osio imọ enyịn̄ ke n̄wed ufọkabasi oro.

Akpan ufan esie ke ufọkabasi oro ama asak enye ete: “Ọbọn̄ owo, ama aka iso ndisan̄a kilomita itiaita ntem, ọdọdọk ososụhọde obot emi, man aka ufọkmbono idụt emi, ayakpa ke ufan̄ isua kiet.” Enye ama esise nte Zachaeus ọdọkde onyụn̄ osụhọrede obot emi ikaba ke urua ke ofụri isua ition. Ekem ufan oro ama akpa! Isua 25 ke oro ebede, Zachaeus okosụk okokop idem.

Zachaeus ama ọsọn̄ọ ada anam n̄kpọ Jehovah tutu ini n̄kpa esie ke ama ekesịm isua 97.