Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2014

Sierra Leone ye Guinea

Sierra Leone ye Guinea

KE N̄KPỌ nte isua 500 emi ẹkebede, ekpri eto mfriukịm kiet ama ọdọn̄ n̄kam onyụn̄ ọtọn̄ọ ndikọri ke mben Akpa Sierra Leone. Nte eto emi ọkọkọride ke isua 300 oro ẹketienede, akwa n̄kpọ mmọn̄eyet ama etịbe! Ibak ibak mme anyam ifịn ẹma ẹsidụk obio ẹkemụm iren, iban, ye nditọwọn̄ emi ẹkperede ndisịm owo 150,000 ẹdisan̄a ẹbe eto oro ẹkedọn̄ ke nsụn̄ikan̄ man ẹkenyam ke obio mbakara.

Ọwọrọetop Eto Mfriukịm Freetown

 Ke March 11, 1792, ata ediwak ifịn oro mbon America ẹkesanade ẹyak ẹma ẹsop idem ke idak Eto Mfriukịm oro ẹdia usọrọ edinyọn̄ ndi Africa. Usen oro ke mmọ ẹkesiak Freetown, emi ọwọrọde Obio Ubọhọ-Ufụn—kpa ubọhọ-ufụn oro mmọ ẹketiede ẹbet ke anyan ini. Ifịn en̄wen oro ẹkesanade ẹyak ẹma ẹka iso ndibehe, ndien nte ini akakade, ifịn emi ẹtode se ibede nsio nsio ekpụk 100 ke Africa ẹma ẹdibehe ke obio emi. Mmọ ẹma ẹkabade mbufa mme enyene obio ẹnyụn̄ ẹmek Eto Mfriukịm oro nte idiọn̄ọ ubọhọ-ufụn ye idotenyịn.

Ke se ikperede ndisịm isua 100 idahaemi, Mme Ntiense Jehovah ke Sierra Leone ke ẹdọn̄ mme mbọhọidụn̄ mmọ esịt ye etop ubọhọ-ufụn emi kpukpru owo ẹdinyenede, kpa “ubọn̄ ubọn̄ ifụre nditọ Abasi.” (Rome 8:21) Ifụre emi ediwọrọ ndibọhọ ufụn idiọkn̄kpọ ye n̄kpa ke ini emi Obio Ubọn̄ Messiah Abasi edidade emem idi, edinyụn̄ anamde isọn̄ akabade Paradise.—Isa. 9:6, 7; 11:6-9.

Ke se ibede isua 50 idahaemi, n̄kọk itieutom Mme Ntiense Jehovah ke Sierra Leone ese enyịn ke utom ukwọrọikọ ke Guinea, kpa idụt oro odude ke mbọhọ Sierra Leone. Ndutịme ke ntak ukpụhọ ukara, ntịme mbio obio, ye nsọn̄ọn̄kpọ ẹnen̄ede ẹnọmọ mme owo ke idụt emi. Mme mfịna emi ẹnam ediwak owo ẹma ndikop etop ndọn̄esịt emi Bible ọnọde.

Mme Ntiense Jehovah ke Sierra Leone ye Guinea ke ẹkwọrọ eti mbụk kpa ye ekese ubiọn̄ọ. Emi esịne nsọn̄ọn̄kpọ, ọkpọikpọi ubuene, unana ifiọkn̄wed, ido obio oro mme owo mîmaha ndision̄o idem n̄kpọn̄, ubahade ke otu mbio obio, ye enyene-ndịk afai. Mbụk oro etienede mi owụt ke mme asan̄autom Jehovah oro ẹnamde akpanikọ ke idụt mbiba emi ẹnyene ọkpọsọn̄ mbuọtidem ẹnyụn̄ ẹsọn̄ọ ẹda. Imenịm ke mbụk mmọ oyotụk fi oyonyụn̄ anam enen̄ede enyene mbuọtidem ke “Abasi emi ọnọde emem” ye idotenyịn.—Rome 15:13.

KE IKPEHE EMI

Nte Sierra Leone ye Guinea Ẹtiede

Kot ban̄a idụt iba emi, isọn̄, mme owo, ido ukpono, ye usem.

1915-1947 Ntọn̄ọ Utom (Ikpehe 1)

Akpa asan̄autom Jehovah oro akanade baptism ama edibehe ke Freetown ke 1915. Ediwak owo ẹma ẹma etop Bible.

1915-1947 Ntọn̄ọ Ntọn̄ọ Ini (Part 2)

Mme ọkwọrọ ederi ikoyomke ikọt Abasi ẹkwọrọ ikọ, edi Jehovah ama anam “ibak mmọ afiak etiene mmọ.”

1915-1947 Ntọn̄ọ Utom (Ikpehe 3)

Mbon esop Freetown ẹma ‘ẹsịn idem ọkpọsọn̄ ọkpọsọn̄ ke ukwọrọikọ.’

“Ayakpa ke Ufan̄ Isua Kiet”

Zachaeus Martyn ama esisan̄a kilomita itiaita ikaba ke urua, ọdọdọk ososụhọde obot man okodụk mbono esop. Nso ikanam enye enịm ke imokụt akpanikọ Bible?

Ẹkesikot Enye “Bible” Brown

William R. Brown ama ọkwọrọ ikọ ke ofụri Caribbean ye ke Edem Usoputịn Africa. Kot kop ntak emi enye ekekerede ke imenyene kiet ke otu akakan ifetutom.

‘Ẹnam Ediwak Owo Ẹkabade Ẹdi Ndinen Owo’—Dan.12:3. (Ikpehe 1)

Ẹyenen̄ede ẹtat utom ukwọrọikọ. Ẹma ẹnọ mme isụn̄utom man ẹkenam n̄kọri odu.

Mmọ Ẹma Ẹyom Ndise

Ke 1956, ẹma ẹsio fim oro The New World Society in Action ke Freetown ke Sierra Leone. Nte owo ekededi ama edi edise?

1945-1990 ‘Ẹnam Ediwak Owo Ẹkabade Ẹdi Ndinen Owo’—Dan.12:3. (Ikpehe 2)

Ẹnen̄ede ẹfiọk Mme Ntiense Jehovah ke ofụri Sierra Leone ye Guinea nte mbon oro ẹkponode ndọ.

1945-1990 ‘Ẹnam Ediwak Owo Ẹkabade Ẹdi Ndinen Owo’—Dan.12:3. (Ikpehe 3)

Ntak emi mbon n̄ka Poro ke Ufọkmbet ẹkedọhọde ẹbọp ibet emi akpande utom Mme Ntiense Jehovah?

Mme Ndedịbe N̄ka

Didie ke mme ndedịbe n̄ka emi ata ediwak owo ẹdụkde ke Edem Usoputịn Africa ẹkara uwem irenowo ye iban?

1945-1990 ‘Ẹnam Ediwak Owo Ẹkabade Ẹdi Ndinen Owo’— Dan.12:3. (Ikpehe 4)

Mme esop ẹma ẹsikpep mme owo nte ẹkotde n̄wed ẹnyụn̄ ẹwetde n̄kpọ man ẹn̄wam ediwak owo ẹnen̄ede ẹfiọk Ikọ Abasi. Nte ediwak owo ẹkefiọkde ndikot n̄wed, ama enen̄ede oyom ẹkabade n̄wed.

Kad Mbenọfọn̄ Ekedi “N̄wedisan̄” Mmọ

Mme aka mbono oro mîkamake nnennen n̄wedisan̄ ẹkesan̄a didie ẹbe ẹkedụk mbono ke Guinea?

Jehovah Ama An̄wam Mi

Jay Campbell emi edide mbụn̄ọ ama oyom nditiene ndụk mbono esop. Enye ọkọdọhọ ke iyada mbio eto oro isidade isan̄a isan̄ isan̄a ika. Ndi enye ama ekeme ndika?

1991-2001 “Akwa Ikan̄ Ukụt”—Isa.48:10 (Ikpehe 1)

Kpa ye ekọn̄ oro, Mme Ntiense ẹma ẹnọ nditọete mmọ ye mbon en̄wen mme n̄kpọ obụkidem ye ndọn̄esịt. Nso ikanam mmọ ẹnyene uko ye odudu?

1991-2001 “Akwa Ikan̄ Ukụt”—Isa.48:10 (Ikpehe 2)

Ke ini ekọn̄ oro, Mme Ntiense Jehovah ẹma “ẹka iso ye unana edikpa mba ndikpep nnyụn̄ ntan̄a eti mbụk.”

Eyenọwọn̄ Emi Ekedide Owoekọn̄ Akabade Asiakusụn̄ Ofụri Ini

Eyenọwọn̄ emi ekedide owoekọn̄ eti nte ẹkenen̄erede ẹdara imọ ke ini imọ ikodụkde mbono esop Mme Ntiense Jehovah. Nso ikanam enye okpụhọde?

Ima Ibọhọ Mbon Oro Ẹn̄wanade ye Ukara

Ke ini ẹkewotde mme owo, ndutịme onyụn̄ odude ke Pendembu, ntak emi owo mîkowotke ediwak Ntiense ke ini ekọn̄ akasiahade ke 1991?

Owo Enyọn̄-Ukpeme

Kiet ke otu Mme Ntiense Jehovah ekesida leta ọkọnọ ke ini ekọn̄. Enye ekesinam didie ada leta ye mme n̄kpọutom ọfis oto Freetown aka Conakry ke Guinea?

Se Ikande Daimọn

Tamba Josiah akanam utom ke itie udọk daimọn mbemiso akakabarede edi Ntiense Jehovah. Ntak emi enye ekerede ke imokụt se ikande daimọn?

2002-2013 N̄kọri Emi Ẹnamde Ndondo Emi (Ikpehe 1)

Ke ekọn̄ ama okokụre, ẹma ẹsiak mme esop, ẹbọp mme Ufọkmbono Obio Ubọn̄, ẹnọ mme akpan asiakusụn̄ ẹkenam utom ke ebiet emi Mme Ntiense mîkawakke.

2002-2013 N̄kọri Emi Ẹnamde Ndondo Emi (Ikpehe 2)

Mfịn, Mme Ntiense Jehovah ke Sierra Leone ye Guinea ẹnen̄ede ẹnịm ke ediwak owo en̄wen ẹyema eti mbụk Obio Ubọn̄.

Ima Ibiere Ndinam N̄kpọ Jehovah

Phillip Tengbeh ye n̄wan esie ẹma ẹfen̄e mbak ediwot mmọ ke ini mbon oro ẹken̄wanade ye ukara ẹkekande Koindu, obio mmọ. Mmọ ẹma ẹtiene ẹbọp Ufọkmbono Obio Ubọn̄ ition ke ini ẹkedude ke itienna mbon itọkekọn̄.

Mma Nnen̄ede Mma Sierra Leone

Cindy McIntire anam utom isụn̄utom ke Africa toto ke 1992. Enye etịn̄ ntak emi enye enen̄erede ama ndikwọrọ ikọ ke Sierra Leone.