Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

N̄wedisua Mme Ntiense Jehovah 2014

 SE ẸKENAMDE ISUA OKO

Mmọ Ẹma Watchtower LIBRARY EKE INTANET

Mmọ Ẹma Watchtower LIBRARY EKE INTANET

Ke June 28, 2013, ẹma ẹtọt ke ikpehe Intanet jw.org ke Watchtower LIBRARY EKE INTANET odu ke usem 100. Ẹkeme ndida Watchtower LIBRARY EKE INTANET nnam ndụn̄ọde kpa nte emi ẹdade Watchtower Library ke CD ẹnam. Ẹkeme ndida ata ediwak n̄kpọ oro ẹsidade ẹdụk Intanet—utọ nte kọmputa m̀mê fon—ndụk Watchtower LIBRARY EKE INTANET. Ediwak n̄kpọ oro ẹdọn̄de do ẹtọn̄ọ ke 2000 ẹsịm emi. Ke ediwak usem, ẹsịn Edikabade Eke Obufa Ererimbot ye Insight on the Scriptures n̄ko. Ke ebiet oro ẹwetde Yom, ẹkeme ndiyom ikọ kiet, udịmikọ, mîdịghe ẹdian ikọ iba ini kiet kpa nte ẹsinamde ke Watchtower Library. Emekeme ndida enye nyom mme itie N̄wed Abasi  mîdịghe oyom n̄kpọ ke usem kiet onyụn̄ anam enye okụbọde ukem itie oro ke usem en̄wen. Se itienede mi ẹdi ndusụk n̄kpọ oro mme owo ẹtịn̄de ndiwụt nte n̄kpọ unam ndụn̄ọde emi ọfọnde:

“Ẹsọsọn̄ọ etieti ke ndisio Watchtower LIBRARY EKE INTANET. Esịt ama enen̄ede enem mi ke ini n̄kokụtde obufa n̄kpọ unam ndụn̄ọde emi. Mfiọkke nte ẹsiwetde ndutịm kọmputa m̀mê ikpehe Intanet, edi mmekeme ndidọhọ ke mfọnn̄kan n̄kpọ unam ndụn̄ọde edi emi. Emi enen̄ede owụt ke mbufo ẹmema mme owo, ẹma nditọete mbufo, ẹnyụn̄ ẹma Jehovah. Nte ẹtịmde n̄kpọ unam ndụn̄ọde emi owụt ke ẹmenen̄ede ẹkere ẹban̄a nnyịn. Emi edi ata eti enọ emi Jehovah, kpa Ete mi eke heaven ọnọde, emi owụtde ima ye ntatubọk esie. Ẹsọsọn̄ọ etieti.”—A., Argentina.

“Akpa mi idem-e! Mma ndụk Watchtower LIBRARY EKE INTANET uwemeyo emi, ndien mma n̄kụt ke usem Creole eke Haiti esịne ke otu mbufa usem oro ẹsịnde. Akananam n̄kereke ke enye eyesịne. Anaedi ẹmekụt ke leta emi ke usem akak mi inua. Jehovah akpakam ọdiọn̄ ofụri ukeme oro mbufo ẹsịnde; edisana spirit esie akpakam ada mbufo usụn̄.”—D.C., United States.