Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Kpep N̄kpọ to Mbụk Bible

 UKPEPN̄KPỌ 7

Tọwa Babel

Tọwa Babel

Ke Ukwọ ama ekebe, nditọ Noah ye iban mmọ ẹma ẹnyene ediwak nditọ. Mmọ ẹma ẹwak ẹnyụn̄ ẹsuana ẹdụn̄ọ ke nsio nsio itie ke isọn̄, kpa nte Jehovah ọkọdọhọde mmọ ẹnam.

Edi ndusụk mmọ ikokopke uyo Jehovah. Mmọ ẹma ẹdọhọ kiet eken ẹte: ‘Ẹnam ibọp akwa obio mi idụn̄, ibọp tọwa emi okon̄de esịm heaven. Emi ayanam iwọrọ etop.’

 Jehovah ikamaha se mmọ ẹkenamde, ntre enye ama ebiere ndinam mmọ ẹtre ndibọp tọwa oro. Ndi ọmọdiọn̄ọ se enye akanamde? Enye ama anam mmọ ẹtọn̄ọ ndisem nsio nsio usem; ekedi owo enye emi ama etịn̄ ikọ in̄wan̄ake owo enye oko, enye oko ama etịn̄ in̄wan̄ake owo enye emi. Emi ama anam mmọ ẹtre utom oro. Ẹkekot obio oro mmọ ẹkebọpde do Babel. Babel ọwọrọ “Ndutịme.” Mme owo ẹma ẹkpọn̄ do, ẹsuana ẹdụn̄ ẹyọhọ ofụri isọn̄. Edi mmọ ẹkesụk ẹnanam ndiọi n̄kpọ ke mme itie emi mmọ ẹkekade ẹkedụn̄. Ndi ama odu owo ndomokiet emi okosụk amade Jehovah? Ke Ibuot 8, iyokụt m̀mê ama odu.

“Owo eke emenerede idemesie ke enyọn̄ ẹyesụhọde enye ẹnịm, edi owo eke osụhọrede idemesie ẹyemenede enye.”—Luke 18:14