Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Kpep N̄kpọ to Mbụk Bible

 UKPEPN̄KPỌ 8

Abraham ye Sarah Ẹma Ẹkop Uyo Abasi

Abraham ye Sarah Ẹma Ẹkop Uyo Abasi

Enyene obio kiet emi okodude ekpere Babel. Obio oro ekekere Ur. Mbon Ur ẹkesikpono ata ediwak nsunsu abasi utu ke ndikpono Jehovah. Edi enyene ete kiet emi okokponode Jehovah kpọt. Enye ekekere Abraham.

Jehovah ama ọdọhọ Abraham ete: ‘Kpọn̄ obio fo ye iman fo, ka obio emi ndiwụtde fi.’ Enye ama ọn̄wọn̄ọ n̄ko ete: ‘Nyanam fi akabade akwa idụt, nnyụn̄ ndiọn̄ ediwak owo ke ofụri ererimbot ke ntak fo.’

Abraham ikọdiọn̄ọke ebiet emi Jehovah ọkọdọhọde enye aka, kpa ye oro enye ama anam se Jehovah ọkọdọhọde. Abraham, Sarah an̄wan esie, Terah ete esie, ye Lot eyen eyeneka esie, ẹma ẹtan̄ n̄kpọ mmọ ẹtọn̄ọ isan̄.

 Abraham ekedi isua 75 ke ini enye ye mbon emi ẹketienede enye ẹkesịmde obio emi Jehovah ọkọdọhọde mmọ ẹka. Ẹkekot obio oro Canaan. Abasi ama etịn̄ ikọ ye Abraham onyụn̄ ọn̄wọn̄ọ ọnọ enye ete: ‘Nyọnọ nditọ fo kpukpru isọn̄ emi okụtde mi.’ Edi ini oro Abraham ye Sarah ẹma ẹsọn̄, mmọ ikonyụn̄ inyeneke eyen ndomokiet. Jehovah edinam didie inam se enye ọkọn̄wọn̄ọde ọnọ Abraham?

“Oto mbuọtidem Abraham . . . okop uyo ke ndiwọrọ n̄ka ebiet emi ẹkenịmde ẹnọ enye ndibọ nte udeme; ndien enye ọwọrọ aka okposụkedi mîfiọkke ebiet eke enye akade.”—Mme Hebrew 11:8