Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Ibọrọ Mbụme 10 Emi N̄kparawa ye N̄kaiferi Ẹsibụpde

 MBỤME 10

Didie ke Bible Ekeme Ndin̄wam Mi?

Didie ke Bible Ekeme Ndin̄wam Mi?

SE INAMDE EMI EDI ETI MBỤME

Bible ọdọhọ ke “Abasi ọkọnọ odudu spirit ẹda ẹwet ofụri N̄wed Abasi.” (2 Timothy 3:16) Edieke emi edide akpanikọ, ọwọrọ ke Bible ekeme ndida fi usụn̄.

NSO KE AFO AKPANAM?

Kere ban̄a uwụtn̄kpọ emi ise: David ọnyọn̄ isan̄ edi okoneyo. Ndien sia eyo enen̄erede ekịm, enye osop usụn̄. Etie nte enye ama awaha usụn̄ emi enye mîkpawahake.

Nso ke afo akpanam edieke ekpedide David?

TỊM KERE KAN̄A!

Enyene n̄kpọ ita emi afo ekemede ndinam:

  1. A. Bụp owo usụn̄.

  2. B. Yom torch dep.

  3. C. Ka iso san̄a tutu afo okụt usụn̄.

Ifọnke ndimek C, sia enye ọdiọk akan ke otu n̄kpọ ita emi.

B ọfọn akan A, sia edieke enyenede torch, oyokụt usụn̄ ekesịm ebiet emi akade.

Kpasụk ntre ke Bible ekeme ndin̄wam fi!

N̄wed oro ata ediwak owo ẹnyenede mi ekeme ndin̄wam fi

  • ọyọ se ededi emi ọwọrọde fi

  • okpụhọde odu eti uwem

  • odu uwem oro edinamde fi enen̄ede okop inemesịt

 IBỌRỌ MBỤME EMI ẸSIFỊNADE EDIWAK OWO

Eyenọwọn̄ ama ọtọtọn̄ọ nditịn̄ ikọ, ọtọn̄ọ ndibụp mbụme.

  • Nso inam ikpaenyọn̄ etie blu blu?

  • Nso ke ẹda ẹnam ntantaọfiọn̄?

Ndien nte ini akade, imesibụp utọ mbụme nte:

Okûdi ibọrọ do ke Bible, edi mme owo idiọn̄ọke?

Ediwak owo ẹdọhọ ke n̄ke ọyọhọ Bible, ndien ke enye edi n̄wed eset. Mbon en̄wen ẹdọhọ ke Bible isin̄wan̄ake owo. Ndi se mme owo ẹtịn̄de emi edi akpanikọ? Okûkam edi se mme owo ẹtịn̄de ẹban̄a Bible ẹsịn kpukpru mfịna emi? Ndi mmọ ẹtịn̄ se mmọ mîdiọn̄ọke?

Ke uwụtn̄kpọ, mme owo ẹsikere ke Bible ọdọhọ ke Abasi akara ererimbot emi. Abasi akpasan̄a didie akara utọ ererimbot emi etiede ntịme ntịme mi, oro ubiak, ndutụhọ, udọn̄ọ, n̄kpa, ubuene, ye afanikọn̄ ẹyọhọde mi? Abasi ima akpasan̄a didie ayak utọ n̄kpọ emi etịbe ke ererimbot emi enye akarade?

Ndi akpama ndifiọk ibọrọ mbụme emi? Idem ayakpa fi ndifiọk se Bible etịn̄de aban̄a owo oro akarade ererimbot emi.

Anaedi omokụt ke kpukpru item oro ẹnọde ke ediye ekpri n̄wed emi oto Bible. Mme Ntiense Jehovah ẹnen̄ede ẹnịm ke Bible kpọt ekeme ndida nnyịn usụn̄. Ntak edi ke “Abasi ọkọnọ odudu spirit [esie] ẹda ẹwet ofụri N̄wed Abasi, ndien enye ọfọn ndida nnọ ukpep, nsua nnọ owo, [nnyụn̄] nnen̄ede mme n̄kpọ.” (2 Timothy 3:16, 17) Ọyọfọn osụhọde etie odụn̄ọde Bible ke idemfo ese!

Kpep N̄kpọ En̄wen

Ntak Emi Afo Ekpekpepde Bible?

Ndi akanam ọmọdọhọ ke imọ inyeneke ini ndikpep Bible, mîdịghe ke imọ iyomke ẹsisan̄a ẹfịna imọ?

Ẹsikpep Owo Bible Didie?

Mme owo ke ofụri ererimbot ẹdiọn̄ọ ke Mme Ntiense Jehovah ẹsikpep owo Bible ke mfọn. Se nte mmọ ẹsinamde.