Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Kpep Ndito Fo

 UKPEPN̄KPỌ 14

Obio Ubọn̄ Emi Edikarade Ofụri Isọn̄

Obio Ubọn̄ Emi Edikarade Ofụri Isọn̄

Ndi ọmọfiọk Obio Ubọn̄ emi itịn̄de iban̄a mi?— Ih, edi Obio Ubọn̄ Abasi. Obio Ubọn̄ emi edinam isọn̄ edi Paradise. Ndi akpama ndikpep n̄kpọ efen efen mban̄a Obio Ubọn̄ emi?—

Idụhe obio ubọn̄ emi mînyeneke edidem. Ndien edidem oro esikara mbon obio esie. Ndi ọmọfiọk owo emi edide Edidem Obio Ubọn̄ Abasi?— Edi Jesus Christ. Enye odu ke heaven. Ibịghike enye edikara kpukpru owo ke isọn̄! Ndi emekere ke esịt eyenem nnyịn ke ini Jesus edikarade ofụri isọn̄?—

Paradise editie didie?

Ih, esịt eyenem nnyịn! Ke Paradise, mme owo idin̄wanake en̄wan, idinyụn̄ ikaha ekọn̄ aba. Kpukpru owo ẹyema kiet eken. Owo ididọn̄ọke, idinyụn̄ ikpaha aba. Mme nnan ẹyekụt usụn̄ ini oro, mme inan ẹyekop ikọ, ndien mme mbụn̄ọ oro mîkemeke ndisan̄a idahaemi ẹyesan̄a, ẹfehe, ẹnyụn̄ ẹfrọ. Kpukpru owo ẹyenyene ediwak udia ndidia. Kpukpru unam ẹyedu ke emem, idinyụn̄ inamke owo n̄kpọ ndomokiet. Mme owo ẹyesibre mbre ye unam ekededi emi mmọ ẹmade. Mbon emi ẹkekpade ẹyefiak ẹdidu uwem. Ediwak mbon emi afo ekpepde aban̄a ke ediye uduot ekpri n̄wed emi, utọ nte Rebekah,  Rahab, David, ye Elijah ẹyefiak ẹdidu uwem n̄ko! Ndi ayama ndikụt mmọ ini oro?—

Jehovah ama fi onyụn̄ oyom fi okop inemesịt. Edieke akade iso ndikpep mban̄a Jehovah nnyụn̄ n̄kop uyo esie, afo oyodu uwem ke nsinsi ke Paradise! N̄kọ omoyom ndidu ke Paradise?—

Kpep N̄kpọ En̄wen

N̄kpọ Esibiak Abasi—Nte Ikpanamde Esịt Enem Enye

Ndi ọmọfiọk ke emekeme ndinam esịt enem Jehovah? Se nte Adam ye Eve ẹkenamde esịt ayat Jehovah.