Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Kpep Ndito Fo

 UKPEPN̄KPỌ 10

Jesus Esikop Uyo Kpukpru Ini

Jesus Esikop Uyo Kpukpru Ini

Ndi esimem utom nditọ ndikop uyo mme ete ye eka mmọ kpukpru ini?— Isimemke ndusụk ini. Ndi ọmọfiọk ke Jesus ama okop uyo ọnọ Jehovah ye ete ye eka esie?— Uwụtn̄kpọ esie ekeme ndikpep nnyịn nte ikpokopde uyo ete ye eka nnyịn idem ke ini ọsọn̄de nnyịn ndinam oro. Yak ikpep n̄kpọ en̄wen iban̄a n̄kopitem.

Mbemiso Jesus ekedide isọn̄, enye okodu ye Ete esie, Jehovah, ke heaven. Edi Jesus ama enyene ete ye eka mi ke isọn̄ n̄ko. Mmọ ẹkekere Joseph ye Mary. Ndi ọmọfiọk nte mmọ ẹkesan̄ade ẹdi ete ye eka esie?—

Jehovah ama osio uwem Jesus ke heaven esịn ke idịbi Mary man Jesus ekeme ndimana nnyụn̄ ndu uwem ke isọn̄. Emi ekedi utịben̄kpọ! Jesus ama ọkọri ke idịbi Mary kpa nte nditọwọn̄ eken ẹsikọride ke idịbi eka mmọ. Jesus ama amana ke n̄kpọ nte ọfiọn̄ usụkkiet ẹma ẹkebe. Nte Mary ye Joseph ebe esie ẹkesan̄ade ẹdi ete ye eka Jesus ke isọn̄ edi oro.

Ke ini Jesus ekedide isua 12, enye ama anam n̄kpọ oro okowụtde nte enye amade Ete esie, Jehovah. Emi ekedi ke ini Jesus akasan̄ade ye ete ye eka ye nditọeka esie aka usọrọ Passover ke Jerusalem. Ke ini mmọ ẹkesan̄ade ke usụn̄ ẹnyọn̄ ufọk, Joseph ye Mary ikekwe Jesus. Ndi ọmọfiọk ebiet emi enye okodude?—

Ntak emi Jesus okodude ke temple?

Joseph ye Mary ẹma ẹsọsọp ẹfiak ẹka Jerusalem ẹkeyom Jesus ke kpukpru ebiet. Idem ama enyek mmọ koro mmọ ikekwe enye. Edi ke usen ita ẹbede mmọ ẹdikụt enye ke temple! Ndi ọmọfiọk ntak emi Jesus okodude ke temple?— Edi koro do ke enye ekeme ndikpep mban̄a Ete esie, Jehovah. Enye ama ama Jehovah onyụn̄ oyom ndifiọk se enye akpanamde man enem Jehovah esịt. Jesus ama esikop uyo Jehovah kpukpru ini, idem ke ini enye ama ọkọkọri ọwọrọ akwa owo. Enye ama esinyụn̄ okop uyo idem ke ini ọkọsọn̄de enye ndinam oro, okonyụn̄ anamde enye okụt ndutụhọ. Ndi Jesus ama esikop uyo Joseph ye Mary n̄ko?— Ih, Bible ọdọhọ ke enye ama esikop.

Nso ke ekeme ndikpep nto Jesus?— Afo enyene ndikop uyo ete ye eka fo idem ke ini ọsọn̄de fi ndinam oro. Ndi oyokop uyo mmọ?—

KOT MME ITIE EMI KE BIBLE FO