Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Kpep Ndito Fo

 UKPEPN̄KPỌ 7

Ndi Akanam Emekere ke Odu Ikpọn̄ Onyụn̄ Okop Ndịk?

Ndi Akanam Emekere ke Odu Ikpọn̄ Onyụn̄ Okop Ndịk?

Se ekpri eyen emi ke ndise emi. Enye odu ikpọn̄ onyụn̄ okop ndịk, idịghe ntre? Ndi akanam emekere ke odu ikpọn̄ onyụn̄ okop ndịk?— Kpukpru owo ẹsikere ntem ndusụk ini. Bible etịn̄ aban̄a ndusụk ufan Jehovah oro ẹkekerede ke idu ikpọn̄, emi ndịk okonyụn̄ anamde mmọ. Elijah ekedi kiet ke otu mmọ. Yak ikpep ndusụk n̄kpọ iban̄a enye.

Jezebel okoyom ndiwot Elijah

Elijah okodu ke Israel ata ediwak isua mbemiso Jesus edimana. Ahab edidem Israel ikokponoke ata Abasi, Jehovah. Ahab ye Jezebel an̄wan esie ẹkekpono nsunsu abasi emi ẹkekotde Baal. Emi ama anam ata ediwak owo ke Israel ẹtọn̄ọ ndikpono Baal. Jezebel ama ọdiọk etieti onyụn̄ oyom ndiwot kpukpru mbon oro ẹkekponode Jehovah, ye Elijah n̄ko! Ndi ọmọfiọk se Elijah akanamde?—

 Elijah ama efehe! Enye ama efehe ekedịbe ke abaitiat ke ata anyan ebiet ke desat. Afo ekere ke nso ikanam enye efehe?— Ndịk akanam enye. Edi ikpakanaha ndịk anam Elijah. Ntak-a? Sia enye ama ọfiọk ke Jehovah ekeme ndin̄wam imọ. Jehovah ama owowụt Elijah nte imọ inyenede odudu. Ama odu ini emi Jehovah ọkọbọrọde akam Elijah onyụn̄ anam ikan̄ oto heaven osụhọde edi isọn̄. Emi owụt ke Jehovah ekeme ndin̄wam Elijah idahaemi!

Didie ke Jehovah akan̄wam Elijah?

Ke ini Elijah osụk odude ke abaitiat oro, Jehovah ama obụp enye ete: ‘Afo anam nso mi?’ Elijah ama ọbọrọ ete: ‘Ami ikpọn̄ nsụk n̄kpono fi. Ndịk anam mi, etie nte ẹmọn̄ ẹwot mi.’ Elijah ekekere ke ẹwot kpukpru mbon eken emi ẹkekponode Jehovah. Edi Jehovah ama ọdọhọ Elijah ete: ‘Idịghe ntre. Owo 7,000 do ke Israel emi ẹsụk ẹtuakde ibuot ẹnọ mi. Sọn̄ esịt. Mmenyene ediwak utom ndidọn̄ fi!’ Ndi emekere ke esịt ama enem Elijah ndikop ikọ emi?—

Nso ke afo ekpep oto se iketịbede inọ Elijah?— Afo unyeneke ndikop ndịk nnyụn̄ n̄kere ke idu ikpọn̄. Afo emenyene ediwak ufan emi ẹmade Jehovah ẹnyụn̄ ẹmade fi n̄ko. Jehovah enyene akwa odudu n̄ko, enye oyonyụn̄ an̄wam fi kpukpru ini! Ndi esịt inemke fi ndifiọk ke udụhe ikpọn̄?—

KOT MME ITIE EMI KE BIBLE FO