Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Kpep Ndito Fo

 UKPEPN̄KPỌ 4

Enye Ama Anam Ete Esie ye Jehovah Ẹnem Esịt

Enye Ama Anam Ete Esie ye Jehovah Ẹnem Esịt

Nso ke Jephthah ọkọn̄wọn̄ọ ọnọ Jehovah?

Okposụkedi emi mîkememke utom, adiaha Jephthah ama anam se ete esie ọkọn̄wọn̄ọde

Ndi omokụt ekpri eyenan̄wan oro ke ndise emi?— Enye edi adiaha owo kiet emi ekerede Jephthah. Bible isiakke enyịn̄ esie, edi nnyịn imọfiọk ke enye ama anam ete esie ye Jehovah ẹnem esịt. Yak ise se Bible etịn̄de aban̄a enye ye ete esie, Jephthah.

Jephthah ekedi eti owo. Enye ama esikpep adiaha esie n̄kpọ ediwak ini aban̄a Jehovah. Enye n̄ko ekedi eren uko ye eti adausụn̄, ntre nditọ Israel ẹma ẹdọhọ enye ada mmọ usụn̄ akan̄wana ye mme asua mmọ.

Jephthah ama ọbọn̄ akam ete Abasi an̄wam imọ ikan. Enye ama ọn̄wọn̄ọ ete ke edieke imọ ikande, imọ iyọnọ Jehovah akpa owo emi editode ufọk imọ ọwọrọ edisobo ye imọ ke ini imọ inyọn̄de idi.  Owo emi edidu ke tent utuakibuot Abasi, onyụn̄ anam utom do ke ofụri eyouwem esie. Mme owo ẹkesika tent utuakibuot ẹkekpono Abasi ini oro. Jephthah ama akan ke ekọn̄ oro! Ndi ọmọdiọn̄ọ akpa owo emi ọkọwọrọde ke ufọk esie edisobo ye enye ke ini enye ọnyọn̄de edi?—

Ih, ekedi adiaha Jephthah! Eyen kiet emi ikpọn̄ ke enye ekenyene. Edi idahaemi Jephthah ekenyene ndinọ enye okodu ke tent utuakibuot. Emi ama anam Jephthah ofụhọ etieti. Edi enye ama ọn̄wọn̄wọn̄ọ ọnọ Jehovah. Adiaha esie ama ọdọhọ inikiet inikiet ete: ‘Ete mi, ama ọn̄wọn̄ọ un̄wọn̄ọ ọnọ Jehovah, nam se ọkọn̄wọn̄ọde.’

Kpukpru isua, mme ufan adiaha Jephthah ẹma ẹsika ẹkese enye

Adiaha Jephthah ama ofụhọ n̄ko. Koro enye ididọhọ ebe, idinyụn̄ imanke nditọ ke tent utuakibuot. Edi enye ama enen̄ede oyom ndinam se ete esie ọkọn̄wọn̄ọde nnyụn̄ nnam Jehovah enem esịt. Emi edi se ikebehede enye ikan edidọ ebe m̀mê ediman nditọ. Ntre enye ama ọkpọn̄ ufọk okodụn̄ ke tent utuakibuot ke ofụri eyouwem esie.

Ndi emekere ke se enye akanamde ama anam ete esie ye Jehovah ẹnem esịt?— Ih, ama anam! Edieke afo okopde item onyụn̄ amade Jehovah, afo emekeme nditie nte adiaha Jephthah. Afo n̄ko ayanam ete ye eka fo ye Jehovah ẹnem esịt.