Utom 17:22

SE AKPANAMDE: Nam se oyomde nditịn̄ ọdọn̄ owo ndikop. Nam mmọ ẹfiọk se oyomde nditịn̄ mban̄a, nyụn̄ nam mmọ ẹkụt ke se oyomde nditịn̄ ayan̄wam mmọ.

NTE AKPANAMDE:

  • Nam se oyomde nditịn̄ ọdọn̄ owo ndikop. Emekeme ndibụp mbụme, mîdịghe etịn̄ se iketịbede inọ owo, m̀mê se okokopde ke mbụk n̄kpọntịbe, emi afo ekerede ke mme owo ẹyema ndikop.

  • Nam mme owo ẹdiọn̄ọ se oyomde ndineme. Yak ntọn̄ọikọ fo anam mme owo ẹfiọk se oyomde nditịn̄ mban̄a.

  • Nam mme owo ẹkụt ufọn utịn̄ikọ fo. Wụt mme owo nte se oyomde nditịn̄ edin̄wamde mmọ. Nam mmọ ẹkụt ufọn emi mmọ ẹdidiade edieke mmọ ẹnamde se oyomde nditịn̄.