Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Jesus Edi Usụn̄ ye Akpanikọ ye Uwem

 IBUOT 17

Jesus Ekpep Nicodemus N̄kpọ Okoneyo

Jesus Ekpep Nicodemus N̄kpọ Okoneyo

JOHN 2:23–3:21

  • JESUS ENEME NNEME YE NICODEMUS

  • SE ‘NDITỌN̄Ọ NTAK MMANA’ ỌWỌRỌDE

Jesus anam ikpọ utịben̄kpọ ke adan̄aemi osụk odude ke Jerusalem ke ini usọrọ Passover eke isua 30 eyo Christ. Emi anam ediwak owo ẹnịm ke enye edi Eyen Abasi. Nicodemus emi edide Pharisee ye owo akwa esop mme Jew emi ẹkotde Sanhedrin, enen̄ede ama mme utịben̄kpọ esie emi. Ntre, enye oyom Jesus ekpep imọ n̄kpọ aban̄a Abasi. Enye aka ebịne Jesus ke okoneyo. Ekeme ndidi se inamde enye aka ke okoneyo edi koro enye efehede nte ikpọ owo mme Jew eken ẹdidade imọ edieke ẹkụtde imọ inemede nneme ye Jesus.

Nicodemus ọdọhọ Jesus ete: “Rabbi, nnyịn imọfiọk ite afo edi andikpep emi otode Abasi; koro baba owo kiet ikemeke ndinam mme idiọn̄ọ emi afo anamde ibọhọke Abasi odu ye enye.” Jesus ọdọhọ Nicodemus ke owo ekededi emi oyomde ndidụk Obio Ubọn̄ Abasi enyene ‘nditọn̄ọ ntak mmana.’—John 3:2, 3.

Nicodemus ekere nte owo ekemede nditọn̄ọ ntak mmana, ntre enye obụp Jesus ete: “Ndi enye ekeme ndidụk idịbi eka esie ọyọhọ utịm ikaba nnyụn̄ mmana?”—John 3:4.

Idịghe se owo nditọn̄ọ ntak mmana ọwọrọde edi oro. Jesus anam n̄kpọ emi an̄wan̄a enye ete: “Ibọhọke owo ekededi amana oto mmọn̄ ye spirit, enye ikemeke ndidụk obio ubọn̄ Abasi.” (John 3:5) Ke ini Jesus akanade baptism ndien edisana spirit osụhọde edidoro enye ke idem, enye ama “amana oto mmọn̄ ye spirit.” Ndien n̄ko, ẹma ẹkop uyo ke heaven nte ọdọhọde ete: “Emi edi edima Eyen mi, emi ami nnyịmede.” (Matthew 3:16, 17) Ntem ke Abasi akanam kpukpru owo ẹfiọk ke imada edisana spirit iyet Jesus aran inyụn̄ inọ enye ifet ndidụk Obio Ubọn̄ heaven. Ndien ke Pentecost eke isua 33 eyo Christ, Abasi ọyọnọ mbon en̄wen oro ẹnade baptism edisana spirit esie; mmọ n̄ko ẹyetọn̄ọ ntak ẹmana, oro edi, ẹyeda spirit Abasi ẹyet mmọ aran ndien mmọ ẹyekabade ẹdi nditọ Abasi.—Utom 2:1-4.

Se Jesus ekpepde Nicodemus aban̄a Obio Ubọn̄ Abasi isụk in̄wan̄ake enye. Ntem, Jesus etịn̄ mme n̄kpọ en̄wen emi ẹban̄ade san̄asan̄a utom oro Abasi ọnọde enye nte Eyen esie ete: “Kpa nte Moses ekemenerede urụkikọt ke enyọn̄ ke wilderness, kpasụk ntre ke ẹnyene ndimenede Eyen owo ke enyọn̄, man kpukpru owo eke ẹnịmde enye ke akpanikọ ẹkpenyene nsinsi uwem.”—John 3:14, 15.

Anyan ini ko, nditọ Israel emi ndiọi urụkikọt ẹkedomde ẹkenyene ndimenede enyịn mmọ nse urụkikọt okpoho man ẹdu uwem. (Numbers 21:9) Kpasụk ntre, kpukpru owo ẹnyene ndibuọt idem ye Eyen Abasi man enye afak mmọ osio ke n̄kpa, man mmọ ẹnyụn̄ ẹnyene nsinsi uwem. Jesus owụt nte Jehovah amade mme owo ke ini enye ọdọhọde Nicodemus ete: “Abasi ama enen̄ede ama ererimbot tutu enye ọnọ ikpọn̄-ikpọn̄ edibon Eyen esie, man owo ekededi eke ọbuọtde idem ye enye okûtak edi enyene nsinsi uwem.” (John 3:16) Ntem, ke ọfiọn̄ itiokiet ama ekebe tọn̄ọ Jesus ọkọtọn̄ọ utom ukwọrọikọ esie, enye anam mme owo mi ke Jerusalem ẹdiọn̄ọ ke imọ ke ẹdida ẹnyan̄a ubonowo.

Jesus ọdọhọ Nicodemus ete: “Abasi ikosioho Eyen esie idọn̄ ke ererimbot man edikpe ikpe ọnọ ererimbot.” Emi ọwọrọ ke Abasi ikosioho Jesus idọn̄ ite edikpe ikpe osobo kpukpru owo, edi ke ẹkesio enye ẹdọn̄ “man okpoto ke enye ẹnyan̄a ererimbot.”—John 3:17.

Nicodemus ekededịbe aka nneme ye Jesus ke okoneyo. Ntre, odot nte Jesus adade nneme esie ye enye ekeberi ntem: “Se ẹdade ẹbiere ikpe edi emi, nte ke un̄wana [oro edi, nte Jesus odude uwem ye se enye ekpepde mme owo] ama edi ke ererimbot edi mme owo ẹma ekịm utu ke un̄wana, koro mme utom mmọ ẹdiọkde. Koro owo eke anamde mbubiam n̄kpọ asasua un̄wana inyụn̄ iwọrọke idi un̄wana, mbak ẹdisua ẹnọ mme utom esie. Edi owo eke anamde se idide akpanikọ ọwọrọ edi un̄wana, man ẹkpeyarade mme utom esie nte ke se enye anamde asan̄a ekekem ye uduak Abasi.”—John 3:19-21.

Nicodemus edi Pharisee ye andikpep ke Israel. Edi idahaemi enye enyene ndibiere m̀mê iyekere iban̄a se imọ ikopde iban̄a nte Jesus edinamde uduak Abasi osu.

Kpep N̄kpọ En̄wen

Se Abasi Anamde Ọnọ Fi

Ibet emi ọkọdọhọde ẹnọ “ukpọn̄ ke ukpọn̄” anam ifiọk ntak emi Abasi okosiode “ikpọn̄-ikpọn̄ Eyen emi Enye obonde ọnọ.”

Nso ke Jesus Ndikakpa Nnyụn̄ Nset Ekeme Ndinam Nnọ Fi?

Akpan ukpepn̄kpọ Bible itiokiet anam ifiọk nte n̄kpa owo kiet anamde ediwak owo ẹnyene uwem.