Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Jesus Edi Usụn̄ ye Akpanikọ ye Uwem

 IBUOT 8

Mmọ Ẹbọhọ Idiọk Andikara

Mmọ Ẹbọhọ Idiọk Andikara

MATTHEW 2:13-23

  • ẸMEN JESUS ẸFEHE ẸKA EGYPT

  • JOSEPH EMEN N̄WAN YE EYEN ESIE AFIAK AKA NAZARETH

Angel Jehovah ọdọhọ Joseph ke ndap ete: “Daha ke enyọn̄, da ekpri eyen emi ye eka esie fehe ka Egypt, nyụn̄ du do tutu nnọ fi uyo; koro Herod ọmọn̄ oyom ekpri eyen emi ndiwot.” Ntem, Joseph ọsọsọp edemede Mary ke idap ete edi ifehe ikpọn̄ obio.—Matthew 2:13.

Joseph ye Mary ẹsọsọp ẹmen eyen mmọ ẹfehe ẹkpọn̄ obio okoneyo oro. Ata nnennen ini ke mmọ ẹkpọn̄ obio oro, sia Herod edikop ke mme asiak ntantaọfiọn̄ oro ẹbe usụn̄ usụn̄ ẹnyọn̄, ifiakke aba idi ibịne imọ. Enye ọkọdọhọ mmọ ẹdi ẹdinam imọ idiọn̄ọ ebiet emi eyen oro odude. Edi mmọ ẹbe ẹnyọn̄ ikaha aba iketịn̄ inọ enye. Esịt enen̄ede ayat Herod! Ndien sia Herod enen̄erede oyom ndiwot Jesus, enye ọnọ uyo ete ẹwot kpukpru nditọ irenowo ke Bethlehem ye ke n̄kann̄kụk oro, emi ẹdide isua iba m̀mê ẹkpride ẹkan oro. Se inamde enye ọdọhọ ẹwot nditọ irenowo emi ẹdide isua iba edi ke mme asiak ntantaọfiọn̄ oro ẹma ẹtịn̄ ini emi mmọ ẹkekụtde ntantaọfiọn̄ oro ẹnọ enye, ntem ke enye ada ọdiọn̄ọ isua emana Jesus.

Edinam edidem emi ọdiọk etieti! Bible isiakke ibat nditọwọn̄ emi ẹkewotde, edi prọfet Jeremiah ama etetịn̄ ke mme eka nditọ ẹyenen̄ede ẹtua ẹnyụn̄ ẹfụhọ.—Jeremiah 31:15.

Joseph ye n̄wan esie ye eyen ẹdidụn̄ ke Egypt idahaemi. Edi okoneyo usen kiet, angel Jehovah afiak etịn̄ ikọ ọnọ Joseph ke ndap. Enye ọdọhọ Joseph ete: “Daha ke enyọn̄, da ekpri eyen emi ye eka esie nyọn̄ isọn̄ Israel, koro mbon emi ẹkeyomde ukpọn̄ ekpri eyen emi ẹmekpan̄a.” (Matthew 2:20) Joseph ọmọn̄ afiak ọnyọn̄ obio mmọ. Emi osu prọfesi emi ọkọdọhọde ete, ‘nyokot eyen mi nsio ke Egypt.’—Hosea 11:1.

Etie nte Joseph akpama ndifiak nnyọn̄ Judea n̄kodụn̄ ke ebiet emi enye okodụn̄de ekpere Bethlehem. Edi ẹdọhọ enye ke Archelaus eyen Herod emi edide ata idiọk owo n̄ko akara Judea idahaemi. Angel Jehovah afiak ọdọhọ enye ke ndap ke obio oro idifọnke ye enye. Oro anam Joseph emen n̄wan ye eyen esie okodụn̄ ke Nazareth emi odude ke enyọn̄-enyọn̄ Galilee emi mîkpereke-kpere Jerusalem. Mi ke Jesus okpon, ndien oro anam prọfesi en̄wen osu, emi ọdọhọde ete: “Ẹdikot enye eyen Nazareth.”—Matthew 2:23.

Kpep N̄kpọ En̄wen

Mme Mbụme Oro Mme Andikot Ẹbụpde—December 2014

Ke ini Jeremiah ọkọdọhọde ke Rachel ke atua nditọiren esie, nso ke ikọ esie ọkọwọrọ?

Joseph Protected, Provided, and Persevered

In what ways did Joseph protect his family? Why did he take Mary and Jesus to Egypt?