1. Jehovah obot Adam ye Eve man mmọ ẹdụn̄ ke Paradise ke nsinsi. Satan odori Abasi ikọ onyụn̄ ọdọhọ ke enye inyeneke unen ndikara. Adam ye Eve ẹtiene Satan ẹsọn̄ ibuot ẹnyụn̄ ẹnam idiọkn̄kpọ ye n̄kpa esịm mmọ ye kpukpru nditọ mmọ

  2. Jehovah ebiere ikpe ọnọ mbon nsọn̄ibuot oro onyụn̄ ọn̄wọn̄ọ ke Andifak, m̀mê Mfri, eyedi edisobo Satan onyụn̄ etre kpukpru afanikọn̄ oro nsọn̄ibuot ye idiọkn̄kpọ akadade edi

  3. Jehovah ọn̄wọn̄ọ ọnọ Abraham ye David ete ke Mfri, m̀mê Messiah oro edito ubon mmọ, ye nte ke enye ayakara ke nsinsi

  4. Jehovah ọnọ mme prọfet edisana spirit esie anam mmọ ẹtịn̄ ke Messiah oro oyosio udọn̄ọ ye n̄kpa efep. Enye ye mme nsan̄a esie ẹdikara ke Obio Ubọn̄ Abasi, ẹnyụn̄ ẹtre ekọn̄, udọn̄ọ, ye n̄kpa

  5. Jehovah ọnọ Eyen esie edi isọn̄ onyụn̄ anam ẹdiọn̄ọ ke Jesus edi Messiah. Jesus ọkwọrọ aban̄a Obio Ubọn̄ Abasi onyụn̄ awa uwem esie. Jehovah anam enye eset ye idem eke spirit

  6. Jehovah odori Eyen esie ke ebekpo nte Edidem ke heaven, ndien emi owụt ke utịt editịm n̄kpọ emi ekpere. Jesus ọnọ mme anditiene enye emi ẹdude ke isọn̄ ndausụn̄ ke utom edikwọrọ eti mbụk Obio Ubọn̄ Abasi oro mmọ ẹnamde ke ofụri ererimbot

  7. Jehovah ọdọhọ Eyen esie atat ukara Obio Ubọn̄ esịm isọn̄. Obio Ubọn̄ oro osobo kpukpru ukara owo, anam isọn̄ edi Paradise, onyụn̄ anam nti owo ẹfọn ẹma. Jehovah owụt ke imọ inyene unen ndikara, onyụn̄ anam enyịn̄ esie asana ke nsinsi